دوالي الساقين .. اسبابها ووصفات طبيعية لعلاجها

دوالي الساقين من الحاجات المزعجة جدا اللي في كتير بيعانوا منها وهي بتبقى عبارة عن عروق زرقا او على شكل شعيرات حمرا بتظهر في منطقة الساق لحد الفخد وبتشوه شكلها, وهي يمكن متكونش بتسبب مشاكل ولكن ممكن تعمل مشاكل صحية تانية, والدوالي بتظهر بسبب وجود خلل في صمامات اوردة الرجل فبيحصل تجمعات دموية وبيخلي الاوردة تلتوي وساعتها بتظهر دوالي الساقين, النهاردة هنعرف مع بعض اسباب ظهور الدوالي ووصفات طبيعية لعلاجها.1- بتحصل بسبب الضغط على اوردة الساقين وده بيكون ياما بسبب الحمل والتغيير الهرمونية اللي بتحصل خلال الفترة دي, او بسبب الوزن الزايد.2- من اكتر الحاجات اللي بيظهر بسببها دوالي الساقين هو الوقوف فترات طويلة اوي يعني اللي شغلهم فيه وقفة كتير هنلاقيهم معرضين اكتر لدوالي الساقين.3- بتظهر بشكل طبيعي مع التقدم في السن.4- ممكن يكون السبب وراثي يعني يكون حد في العيلة بيعاني من المشكلة وبالتالي بيبقى الموضوع وراثي.1- بيحصل تورم في الرجل وبتحسي بالم وحرقان وبيزيد الالم والحرقان كل ما تقفي مدة طويلة.2- بتحسي بحكة في الاوردة.3- بيحصل تغيير في لون الجلد والتهاب وجفاف.4- بتسبب نزيف للرجل من اي اصابة بسيطة.– بتكون عن طريق حقن الاوردة بمحلول بيقفل الوريد.– او ممكن يتم علاجها بالليزر من غير جراحة بيقفل الاوردة بجلسات ليزر.– العلاج بطريقة النزع بالخطاف والطريقة دي الدكتور بيشيل الدوالي اللي باينة في الرجل بانه بيعمل فتحة صغيرة جدا في الرجل ويبدأ يشيل الدوالي بخطاف طبي, والطريقة دي بتتعمل ببنج موضعي بس, وهي فعالة جدا في الحالات الصعبة من الدوالي.– في طريقة الحقن باستخدام الاشعة الصوتية والطريقة دي بتكون في حالة الدوالي اللي موجودة تحت سطح الجلد ومش بتتشاف بالعين المجردة فالدكتور في الحالة دي بيعمل اشعة صوتية بتقوله على اماكن الدوالي وبيتم حقنها وبعدها بتختفي تماما.مع الوصفات في شوية حاجات بتتعمل عشان تساعد على العلاج.– نلبس الشرابات الضاغطة لان بتساعد على توزيع الضغط على الرجل كلها وبالتالي بتحسن الدورة الدموية وده بيساعد جدا في علاج الدوالي, بتتلبس اول ما تصحي من النوم يعني قبل ما تحطي رجلك على الارض تلبسيها ولو انتي ماشية مع دكتور هو بيحدد لك تلبسيها فترة قد ايه حسب حالتك.– اتجنبي الوقوف فترات طويلة.– دايما وانتي قعدة ارفعي رجلك على مخدة اوكرسي صغير عشان تخففي الضغط عليهم.– لو قعدة او واقفة فترات طويلة حاولي تغيري من وضعية الوقوف والقعدة كل فترة وحركي رجلك في اكتر من اتجاه كل شوية عشان تنشطي الدورة الدموية.– لو في وزن زيادة لازم نحاول نقلله ونخس لانه من اكتر الاسباب اللي بتسبب الدوالي لانه بيعمل ضغط على الرجل.– اعملي مساج للرجل لان ده بردوا بيحسن من الدورة الدموية.– دخلي مواد مضادة للاكسدة في نظامك الغذائي لانها بتساعد على تقوية الاوردة وبتمنع تمددها وتورمها, ومن اكتر الاكلات الغنية بالمواد المضادة للاكسدة هي الثوم, البصل, البرقوق المجفف,البرقوق الطازة, الكرنب, السبانخ, البروكلي, البرتقان, العنب الاحمر, الفلفل الاحمر الحلو, الباذنجان, الفراولة, الشيكولاتة.– حاولي تمارسي الرياضة باستمرار لان ده بيحسن الدورة الدموية وهيساعد جدا في علاجها, وركزي على الرياضات اللي بتقوي عضلات الرجل زي رياضة المشي السريع, والسباحة, ركوب العجل, وزي ما في رياضات المفروض نمارسها في كمان رياضات ممنوع ممارستها لانها ممكن تزود المشكلة زي كرة القدم, والتنس, والاسكواش, الكاراتية, رفع الاثقال, الملاكمة, الجودو, الجري, التايكوندو, التزلج.اقعدي على كرسي وخلي ضهرك مفرود وطلعي لرجلك لفوق وخلي اطراف الصوابع بس على الارض وبعدين رجعي رجلك تاني على الارض, كرري التمرين ده لمدة 30 ثانية.اقعدي على الكرسي وافردي رجلك اليمين وحركي القدم في حركة دائرية لجوه وبره, وكرري نفس التمرين للرجل الشمال.اقعدي على كرسي وارفعي رجليكي الاتنين ومديهم لقدام وشدي منطقة القدم واتنيها.اقعدي على الكرسي ارفعي ركبتك اليمين والمسي بيها كوعك الشمال, وبعدين بدلي وارفعي ركبتك الشمال والمسي بيها كوعك اليمين.اقفي واسندي على ضهر الكرسي ومرجحي رجلك اليمين لورا وقدام واعملي نفس التمرين للرجل الشمال.اقفي واسندي على ضهر الكرسي وحطي رجلك الشمال ورا الرجل اليمين واقفي على اطراف صوابعك وبعدين بدلي وخلي الرجل اليمين ورا الرجل الشمال وكرري التمرين.اقفي بطريقة مستقيمة وحطي ايدك في وسطك وارفعي رجلك الشمال لفوق وبعدين بدلي وارفعي الرجل اليمين.نامي على ضهرك وافردي الذراعين على الارض وارفعي رجلك الاتنين وحركيهم بالتبادل.نامي على ضهرك وافردي الذراعين على الارض واتني رجلك الاتنين وارفعيهم وحركيهم على شكل عجلة.نامي على ضهرك وحطي ايدك ورا راسك ارفعي رجلك اليمين واتنيها وافرديها في الهوا وبعدين نزليها على الارض بالراحة وبشكل مستقيم, وكرري التمرين مع الرجل الشمال.من  اكتر الحاجات الفعالة جدا في علاج الدوالي هي خل التفاح, ادهني الدوالي بخل التفاح ولفي حتة قماش مبللة بخل التفاح على رجلك وسيبيها نص ساعة وبعدين شيليها واستمري على الطريقة دي يوميا بستاعد كتير على تخفيف الدوالي.المكونات:ربع كوباية زنجبيل مطحون.ربع كوباية خل تفاح.ربع كوباية شوفان.3 معالق كبيرة زيت زنجبيل.طريقة التحضير والاستخدام:هنجيب الشوفان ونحطه في كوباية مية مغلية ونسيبة ربع ساعة وبعدين نصفي الشوفان من المية ونحط عليه باقي المكونات ونقلبهم مع بعض كويس, ندهن مكان الدوالي بالخليط ونسيبه تلت ساعة وبعدين نغسله بالمية, وكرري الوصفة مره في الاسبوع, وخلال فترة قصيرة هتلاقي الدوالي بدأت تخف كتير.دلكي المنطقة اللي فيها دوالي بعسل النحل 3 مرات في اليوم, واستمري عليها لحد ما تلاقي الدوالي اختفت, والطريقة دي لمشكلة الدوالي البسيطة.جيبي بصلة واسلقيها بقشرتها في مية وسيبيها لحد ما تستوي خالص, وبعدين اشربي مية البصل اللي هتطلع وشيلي قشر البصل وكليه, وكرري الوصفة يوميا.دلكي مكان الدوالي بزيت الخروع كل يوم قبل ما تنامي والبسي شراب واسع ونامي بيه, وكرريها تلات مرات في الاسبوع او ممكن تزودي حسب الحالة.ادهني المنطقة بزيت السرو ” موجود عند العطار”, ادهنيه كل يوم على منطقة الدوالي.المكونات:زنجبيل مبشور.زيت زيتون.طريقة التحضير والاستخدام:سخني زيت الزيتون شوية على نار هادية وبعدين حطي عليه الزنجبيل سيبيه شوية مع الزيت على النار وبعدين ارفعيه من على النار وسيبيه يبرد وبعدين صفيه, حطي الزيت اللي اتصفي في اي ازازة عندك واستخدميه يوميا ادهني بيه مكان الدوالي.1- متقعديش حاطة رجل على رجل لفترة طويلة لان ده بيعطل عمل الدورة الدموية وبيسبب الدوالي.2- متكتريش من الملح في الاكل لانه الملح الزيادة ممكن يسبب ظهور الدوالي.3- ابعدي خالص عن لبس الجزم اللي بكعب عالي لانها بتضغط على الاوردة وبالتالي بتتسبب في ظهور دوالي الساقين.4- ابعدي عن التدخين لانه واحد من الاسباب اللي اثبتت الدراسات انه بيسبب دوالي الساقين وان الاشخاص المدخنين معرضين اكتر للاصابة بالدوالي.