20 لوك مختلفين للبس البوت في شتا 2016

البوت العالي لحد الركبة أو الهالف بوت مع البلوفر الفضفاض أو الكاب..لوك كلاسيك وشيك وهادي.لوك جرئ لو عندك مناسبة أو خروجة مميزة, البوت الجلد بطول الأنكل بأي لون مع جيبة أو فستان وعليه من فوق جاكيت بلون البوت.البوت الهالف المزين بالفرو بيكبر حجم الساق عشان كده بيفضل إننا نلبس معاه بنطولن ضيق أو ليجنج عشان نتجبنب إننا نعمل لوك ضخم للجزء اللي تحت من جسمنا, وممكن معاه سكارف وكارديجان طويل بيدي لوك مريح ومرح.ستايل كاجوال لكل وقت, البوت الجلد عالي الرقبة لحد الركبة بكعب صغير ويكون فوق البنطلون وعليه سويتر بسيط وممكن لو حابة تلبسي معاه الطقية .. اهم حاجة تنسقي الألوان.لوك جذاب كلاسيك في شتا 2016 لخروجة مميزة, البوت القطيفة العالي فوق الركبة وعليه جيبة وبالطو طويل يكون اطول من البوت ومن نفس اللون.لوك عملي ينفع للشغل, البوت الأنكل بلون البيج معاه البنطلون الكلاسيك القصير بلون نبيتي أو كحلي وعليه سويتر وممكن تزودي سكارف.لوك كاجوال بالفستان الواسع وعليه الكارديجان ومعاهم البوت الأنكل المزخرف وممكن تزودي سكارف.البوت الجلد عالي الرقبة لتحت الركبة مع البنطلون الضيق والبليزر للوك كلاسيك.طبعا اللوك ده عمره مابيبطل, البنطلون واسع الرجل وتحته البوت بكعب عالي وعليه قميص وبليزر, لوك كلاسك ينفع للشغل والكليه.جربي البلوفر برقبة أسود معاه بنطلون ضيق أسود وبوت برقبة عالية تحت أو فوق الركبة وعليه بالطو طويل اسود. لوك مختلف كلاسيكي وغامض.لوك كاجوال للبوت البني برقبة عاليه لحد الركبة, مع بلوفر كحلي أو نبيتي أو اصفر ومعاه بنطلون جينز ازرق.انكل بوت اسود مع بنطلون اسود وبليزر واسع وساعة للوك كلاسيك للشغل.اتكلمنا قبل كده عن الفستان السويتر وإزاي ممكن نلبسه , شوفي لوك ليه مع البوت القطيفة عالي الرقبة مع شراب خفيف للوك أنثوي جذب.بنطلون جينز مع جاكيت بني جلد وبوت أنكل بني جلد.البوت الفرو الدافي وعليه البلوفر الواسع الفضفاض مع لم الشعر ديل حصان. للوك كاجوال مريح.فستان قصير مع بوت بني قطيفة عالي الرقبة لحد الركبة للوك للمناسبات كلاسيكي.لوك مبهج بالبوت المزخرف البني ومعاه بلوفر اخضر أو احمر أو فشية وعليه بليزر بيج للوك كلاسكيكي للشغل أو الجامعة.البالطو الطويل للوك كلاسيك معاه بوت جلد من تحت وقماش من فوق علي ليجنج أو بنطلون ضيق.مش شرط إننا نلبس البوت الجلد مع الجاكت الجلد, يعني ممكن كمان نلبس البوت القطيفة مع الجاكت جلد, بوت عالي الركبة فوق الركبة ومعاه بنطلون جينز ضيق وجاكت جلد, بس نحرص إننا نلبس بلوفر أو بلوزة بلون هادي تحت الجاكت.