رد الفنان أحمد العوضي على الانتقادات والسخرية المنتشرة عبر مواقع التواصل الاجتماعي حول حملة ترشيد استهلاك الطاقة التي شارك فيها مؤخرا عدد من الفنانين. نشر أحمد العوضي فيديو عبر حسابه بموقع Facebook، قائلا: "بمناسبة الإعلان بتاع ترشيد استهلاك الطاقة اللي أنا عملته، في ناس خدتها من باب الهزار وقالك دا قاعد في فيلا وطالع يقول لنا مش عارف ايه، واحنا بننور بلمبة واحدة، يا جماعة مش عايزين نمشي ورا كلام الناس الفاضية". تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا وتابع أحمد العوضي: أولا أنا مخدتش ولا جنيه، يمين بالله مخدتش ولا جنيه، أنا كل الموضوع إن أنا قولت اللي مش قاعد في أوضة، يعني إنت لو قاعد في الصالة وأوضتك منورة قولت لك اقفلها مقولتش حاجة تاني، أنا قولت حاجة غلط! كفرت بالله؟ لا، وأنا لما أطلع أقول لك حاجة تساعدنا كلنا ابقى أنا كدة راجل وحش ومتآمر ومش حاسس بيك، ومين قال لك إني خدت ملايين ومين قالك إني قاعد في فيلا 15 أوضة ومين قالك إني قاعد منور 50 لمبة، يا صاحبي خف شوية، أخواتي عاقلين مابيروحوش مع الأونطة، أنا عمله لله، خدها بحسن نية إني بوفر لك فلوسك لا طاقة ولا مش طاقة. يذكر أن آخر أعمال أحمد العوضي كان مسلسل "علي كلاي" الذي عرض في رمضان 2026، وشاركه البطولة كل من درة، يارا السكري، محمود البزاوي، انتصار، عصام السقا، محمد ثروت، طارق الدسوقي، سارة بركة، ريم سامي، ضياء عبد الخالق، رحمة محسن، عمر رزيق، وغيرهم من الفنانين. بسمة وهبة تحتفل بعيد ميلادها … أحمد العوضي ودرة ضمن الحضور فيديو- ابنة أحمد سعد تشاركه الغناء في حفله الأخير طرح الإعلان والبوستر الرسمي لمسلسل "الفرنساوي" بطولة عمرو يوسف قبل عرضه الحصري في 25 أبريل ممدوح شاهين: حقوق "الزوجة الرابعة" ملكي بالقانون وهذا رأي مصطفى شعبان في تقديم جزء ثان من المسلسل جوجل بلاي| https://bit.ly/36husBt آب ستور|https://apple.co/3sZI7oJ هواوي آب جاليري| https://bit.ly/3LRWFz5