كشفت النجمة إسعاد يونس عن رأيها في قرار غلق بعض حفلات العروض السينمائية، في إطار خطة ترشيد استهلاك الكهرباء. وقالت إسعاد يونس في تصريحات لبرنامج ET بالعربي: "صناعة دور العرض السينمائي بالذات قائمة على الحفلات المسائية، والأصل في العروض إن حفلات 9 و 12 أهم الحفلات اللي بتدر دخل تقوم عليه السينما باقي الأيام". تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا وأضافت إسعاد يونس: "إحنا بنعرض 6 حفلات في اليوم، وكان المطلوب نغلق حفلتين 9 و 12. لأ إحنا هنغلق 3 حفلات في الاقتراح اللي إنت قايله 10 و 1 و 3، فيبقى وفرنا في الطاقة 3 حفلات مش حفلتين". وتابعت: "الدولة بتحصل من السينمات ضريبة مختلفة في الفيلم العربي عن الأجنبي بجانب القيمة المضافة وأشياء أخرى من الضرايب، بالتالي مدخول الدولة من الضرايب والقيمة المضافة بالليل بيشكل 80% من إيراد السينما، فإذا قفلنا حفلتين بالليل الدولة بتخسر كل الإيراد اللي جاي من الضرايب". كما كشف إسعاد يونس عن مقترح في هذا السياق قائلا: "طبعا في أزمة شديدة في صناعة دور العرض، وإحنا عندنا استعداد نطفي نور الواجهات تماما بأقل إضاءة عشان الناس تشوف، والحفلات أصلا بتتم في القاعات في الضلمة مفيش استهلاك للطاقة. ده مقترح بنحاول نطرحه عشان ميبقاش في ضرر كبير على دور العرض في المولات اللي بتشترط على السينما تفتح 6 حفلات وعلى العمالة وحاجات كتير". جوجل بلاي| https://bit.ly/36husBt آب ستور|https://apple.co/3sZI7oJ هواوي آب جاليري| https://bit.ly/3LRWFz5