تحدث الفنان أشرف زكي نقيب المهن التمثيلية عن أزمة الفنانة أسماء جلال مع الفنان رامز جلال بسبب حلقتها في برنامج "رامز ليفل الوحش". وقال أشرف زكي خلال لقائه في برنامج "حبر سري": "أسماء اتخذت حقها القانوني ولكن أنا مستني الدنيا تهدى ونجيب الاتنين في النقابة ونهدي الموضوع، لا تطرق الحديد وهو ساخن، هي متضايقة جدا وأنا اتكلمت معاها وفوجئت أنها عملت إجراء قانوني ولكن دا حقها الدستوري، الدنيا تهدى وإحنا أسرة واحدة وهنشوف إزاي الموضوع دا يتعالج". تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا وتابع أشرف زكي معلقا على ما حدث في البرنامج: "هو دايما رامز جلال التعليقات اللي بيقولها هو ميقصدش طبعا هو رامز بيحب أسماء جلال وهو هزار، الهزار شوية مستقبلوش الآخر والسوشيال ميديا ولعت الدنيا، لكن هو هزار، وأثق أن رامز ميقصدش يسيء لأسماء جلال أو لأي حد وإن شاء الله الموضوع يتعالج ويتلم بالطريقة اللي ترضيها وتصحح المسار". نرشح لك: ماجد المصري عن ظهوره في "رامز ليفل الوحش": عارف أنه رامز من الأول بس مكنتش عارف كم البهدلة وعن مقدمة رامز جلال التي أزعجت أسماء جلال في البرنامج قال أشرف زكي: "اللي عايز يفسرها يمين هيفسرها واللي عايز يفسرها شمال هيفسرها لكن أنا معتقدش أن هو لما قال الكلام دا كان قصده إساءة استحالة، وإن شاء الله نلم الموضوع ونعالجة بالطريقة اللي ترضيها، أنا اتكلمت معاها هي لكن لسه مكلمتوش". وكانت أسماء جلال قررت مقاضاة رامز جلال بسبب تعليقاته المسيئة في حلقتها ببرنامج "رامز ليفل الوحش" وطالبت بالاعتذار لها وحذف الحلقة من كافة المنصات. مواعيد عرض مسلسل "المتر سمير" لكريم محمود عبد العزيز إيناس عز الدين: عرفت إني زوجة تانية وإحنا بنكتب الكتاب فيديو - أحمد السقا: بقول لياسمين عبد العزيز برافو .. شدّي حيلك ومتخليش حاجة تأخرك القائمة الكاملة بمسلسلات 15 حلقة في النصف الثاني من رمضان 2026 جوجل بلاي| https://bit.ly/36husBt آب ستور|https://apple.co/3sZI7oJ هواوي آب جاليري| https://bit.ly/3LRWFz5