ابن الشرقية.. الثالث على الجمهورية وأول المحافظة: شعرت بالحزن لتجاهل تكريمي

تفوق الطالب "علاء محمد إبراهيم محمد الوزير" ابن قرية منشأة الأمير، مركز أولاد صقر، محافظة الشرقية في شهادة الثانوية العامة 2019، علمي علوم، بمجموع درجات 409، بنسبة مئوية 99.76%، مما يجعله الأول على المحافظة، والثالث على الجمهورية، ومع ذلك لم يتلق أي تكريم من أي جهة.

قال "علاء" خلال حديثه معنا: "ناس كتير طبعا وقفوا جنبي، والدتي ومعلميني وكمان ناس ميعرفونيش لكن دائما كانت دعواتهم معايا، حلمي أكيد زي أي واحد محقق مجموع عالي في نفس الشعبة إني أدخل طب لكن لو تكلمنا على المدى البعيد أنا عاوز أجمع بين الأكاديمي والعملي، أتخرج وأبقى معيد وأكيد الموضوع في الأول يبدأ بعيادة بسيطة لكن بعدين هتبقى إن شاء الله مستشفى كبيرة وفي نفس الوقت لن انقطع عن الدراسة وان شاء الله الماجستير والدكتوراة".

وعبر الطالب عن حزنه وإحساسه بالظلم، قائلا: "ازاي ناس تجيب أقل وتتكرم وأنا أكتر منهم ومفيش حد بيعبرني، أنا تعبت وطبعا ربنا كلل تعبي، وجازاني خير ورزقني حب ناس كتير قابلتهم لأول مرة من مدرسين وزملاء".