جيران «عاصم» قتلوه أثناء خروجه من بيت خطيبته في منشأة القناطر (نص التحقيقات) | المصري اليوم

خرج الشاب «عاصم» من منزل خطيبته، قاصدًا منزله، كان غاضبًا من جيرانهما إثر«تلقيحهم» عليهما أثناء مرورهما من أمامهما.

القبض على مطرب المهرجانات عصام صاصا

بالأسماء.. إصابة 12 من عمال اليومية في انقلاب سيارة بـ الجيزة

قتل «طفل شبرا الخيمة».. أوراق القضية تكشف دور تاجر أعضاء في الواقعة

بـ3 طعنات في الصدر والظهر، أنهى شقيقان حياة عاصم بتحريض من والدهما، إذ سمعته خطيبة المجنى عليه، يحرضهما بقوله: «اقتلوه يا ولاد».. أحداث الجريمة دارت بقرية «طحانوب» في شبين القناطر بالقليوبية، وقررت النيابة العامة إحالة مرتكبى الواقعة، وهم: «أشرف.ش»، 52 سنة، عامل، ونجليه «شوقي»، و«يوسف»، عاملان، إلى محكمة الجنايات.

واستمعت النيابة العامة، لأقوال خطيبة الضحية التي شاهدت الجريمة، وإلى نص أقوالها:

عبير حمدي محمد صبيح- طحانوب مركز شبين القناطر- حلفت اليمين

ج: اللي حصل إن يوم الواقعة حوالي الساعة 11:00 مساءً، كنت ماشية أنا و«عاصم» كنا راجعين البيت، لأني ساكنة معاه في نفس الشارع، ولما عدينا من قدام بيت المشكو في حقهم كان «يوسف»، و«شوقي» قاعدين مع والدتهم قدام البيت، ولما جيت أعدي أنا و«عاصم» قعدوا «يلقحوا» عليا أنا و«عاصم» بالكلام فمردناش عليهم، وكملنا ودخلنا البيت وفضل «عاصم» قاعد معانا شوية في البيت، وبعد شوية خرج «عاصم» علشان يروح بيته، لأن بيته في آخر الشارع اللي أنا ساكنة فيه وأنا فضلت واقفة عند باب بيتي أبص عليه لحد ما هو يروح فشوفته لما وصل عند «يوسف»، و«شوقي» لقيت حصل ما بينهم مشادة كلامية بس أنا مسمعتش هما بيقولوا إيه لأنهم كانوا بعيد عني وبعدين المشادة دي اتطورت لخناقة ما بينهم ومسكوا في بعض والناس أتلمت وفضت ما بينهم ورجع «عاصم» وكان «أشرف» ماسك في إيده «سنجة» و«شوقي كان ماسك في إيده «سنجة»، ومحمد كان معاه «مطواة» و يوسف«كان معاه« مطواة »برضو ، وراح شوقي«خابط»عاصم بـ «السنجة» في ظهره، وراح أشرف ضرب بالسنجة اللي معاه في صدره، وبعدها راح«موقع» عاصم على الأرض وفضلوا كلهم يضربوا فيه بالأسلحة البيضاء اللي معاهم وساعتها أنا اثغمى عليا، ولما فوقوني قالوالي أنهم خدوا عاصم على المستشفى فرحت وراه ، وهناك عرفت أنه توفى وده كل اللي حصل.

ج: أنا كنت راجعة أنا و«عاصم» للبيت بتاعي، وكان هو بيوصلني وبعد شوية كان هو خارج رايح بيته.

ج: كنت أنا و«عاصم» وفي البيت كان معايا أهل بيتي.

ج: كنت ماشية أنا و«عاصم»، كنا راجعين البيت لأني ساكنة معاه في نفس الشارع، ولما عدينا من قدام بيت المشكو في حقهم كان «يوسف»، و«شوقي» قاعدين مع والدتهم قدام البيت، ولما جيت أعدي أنا و«عاصم» قعداو يلقحوا عليا أنا و«عاصم» بالكلام.

ج: هو فضل ساكت، ومرضناش عليهم وفضلنا مكملين في طريقنا لحد ما وصلنا البيت.

ج: «عاصم» قعد معانا في البيت شوية، وبعدها طلع عشان يروح وأنا فضلت واقفة أبص عليه من قدام البيت لحد ما يروح لأن بيته في آخر الشارع.

ج: أنا شوفته لما وصل عند بيت المشكو في حقهم، لقيتهم بيتكلموا معاه بس مسمعتش بيقولوا إيه وحصلت ما بينهم مشادة كلامية تطورت إلى مشاجرة والناس أتلمت وفضت المشكلة.

ج: هو رجع علينا ناحية البيت بتاعنا.

ج: هو بعد لما «عاصم» مشي حوالي 70 مترًا من بيت المشكو في حقهم لقيت «شوقي»، و«يوسف»، و«محمد»، و«أشرف» جايين يجروا وراه وكان «أشرف» ماسك في إيده «سنجة»، و«شوقي» كان ماسك في إيده «سنجة»، و«محمد» كان معاه «مطواة» و«يوسف» كان معاه «مطواة» برضوا، وراح «شوقي» خابط «عاصم بالسنجة في ظهره وراح أشرف ضرب»عاصم«بالسنجة اللي معاه في صدره، وبعدها راح موقع»عاصم«على الأرض وفضلوا كلهم يضربوا فيه بالأسلحة البيضاء اللي معاهم.

ج: أيوة كان معاهم أسلحة بيضاء.

ج: هو «محمد»، و«يوسف» كان كل واحد منهم معاه سلاح أبيض «مطواة قرن غزال»، و«شوقي» و«أشرف» كل واحد كان معاه سكينة كبيرة «سنجة».

ج: «شوقي» خبط «عاصم» بـ«السنجة» في ظهره وراح «أشرف» ضرب «عاصم» بـ«السنجة» اللي معاه في صدره وبعدها راح موقع «عاصم» على الأرض، وفضلوا كلهم يضربوا فيه بالأسلحة البيضاء اللي معاهم

ج: كانت قريبة أوي حوالي متر تقريبًا.

ج: المرور كان ضعيفًا، لأن الوقت كان متأخرًا واللي كان موجود كان خايف يقرب.

ج: هما الأول جم من وراه، وراح «شوقي» خبط «عاصم» بـ«السنجة» في ضهره وبعدها «أشرف» و«محمد» و«يوسف» كانوا وشهم لوشه فراح «أشرف» ضربه في صدره وموقعه على الأرض وكلهم ضربوا بالأسلحة اللي معاهم وكانوا في مستوى واحد ولما وقع على الأرض كانوا هما فوقه.

ج: «شوقي» ضربه طعنة في ظهره في الكتف من الخلف، و«أشرف» ضربه طعنة جت في قلبه، ولما وقع كلهم ضربوه على راسه وفي إيده.

ج: في إصابات في إيده وفي راسه، وفي قلبه وفي ضهره وبعدها مات.

ج: ساعتها أنا أغمى عليا.

ج: بعد كده هما فوقوني وعرفت إن «عاصم» راح المستشفى فروحت وراه وعرفت هناك إنه مات.

ج: لا، أنا مسمعتش أي ضرب نار خالص.

ج: أنا بأتهم« أشرف.. ، وشوقي .. ، ويوسف ..، ومحمد.. ».