«فتاة الطالبية» المتهمة بقتل شاب بسبب أولوية ركوب «توك توك»: «ضربته وطلعت أجري» (مستندات) | المصري اليوم

«هند جرجير»، الفتاة الثلاثينية، أو بائعة الخضراوات في منطقة الطالبية بالجيزة، التي قتل شاب يُدعى «خالد»، فرد أمن، بطعنة نافذة في الصدر، خلال مشاجرة دارت بينهما بسبب ركوبها «توك توك»، ورغبة الشاب وصديقه استقلاله رغمًا عنها مع تأكيدها لهما «أنا اللي شاروت له الأول»، وفق قولها في تحقيقات النيابة العامة، أفادت في اعترافاتها، بأن الجريمة لم تستغرق سوى 10 دقائق.

بائعة الجرجير في الطالبية تعترف بقتل شاب: «حاول ركوب التوك توك قبلي» (انفراد )

بسبب «كلب».. «كهربائي الوراق» يدافع عن «نسيبه» ويتلقى طعنة تُنهى حياته

«كيس زبالة» يتسبب في مقتل صاحب سوبر ماركت على يد جاره بـ الوراق

رابع يوم العيد.. «قطار العياط» يحول جسد «طالب» لأشلاء ويبتر قدم آخر

وأضافت في تحقيقات النيابة، التي تنفرد «المصري اليوم» بنشرها، أنها بتاريخ 12 إبريل الجاري: «جريت على «فرشة» الخضار بتاعتي وجبت سكينة الخضار اللي بقطع بيها الخضار، وهو طلع «المطواة» من جنبه ومسكتها من إيده وكنا بتنطط قدام بعض، وكنا بنهوش بعض رحت نكته نكتة في صدره وطلعت أجري».

ج: هو ضربني بالرجل في رجلي، وأنا قلعت الشبشب بتاعي علشان أضربه بيه راح واخده من إيدي وضربني بيه على راسي، وأنا كنت بصوت علشان أستنجد بالناس، وساعتها كان سواق «التوك توك» واتنين تاني ماشيين في الشارع بيحاولوا يحوشوا بينا، وأنا مكنتش عارفة أعمل إيه.

ج: أنا جريت على «فرشة» الخضار بتاعتي وجبت سكينة الخضار اللي بقطع بيها الخضار، وهو طلع «المطواة» من جنبه ومسكتها من إيده وكنا بتنطط قدام بعض، وكنا بنهوش بعض رحت نكته نكتة في صدره وطلعت أجري.

ج: هو جري ورايا من أول الصيدلية لحد محل الكهربائي بتاع «عبده القط» الناحية التانية، وساعتها أنا أتكعبلت ووقعت على الأرض وهو وقع وصاحبه اللي كان معاه قومه من على الأرض، وسنده ووقف «توك توك» وركبوا ومشيوا وبعدها أنا رجعت على «فرشة» الخضار لميت الفرشة وغطيتها، ووديت العربية الكارو الجراج اللي بجرج فيه وقولت أروح على بيتي اللي في شارع عامر شحاتة في الطالبية.

ج: عشان كنت خايفة لحسن العيال دي يجيبوا ناس، ويرجعوا يعوروني واطمن إيه اللي حصل من الناس.

ج: هي حوالي 10 دقائق.

ج: كان في دماغي، أن الموضوع يخلص وميعورنيش وميطولنيش بـ«المطواة» اللي كانت معاه.

ج: الكلام ده حصل إمبارح الجمعة 12 إبريل 2023 حوالي الساعة 10 صباحًا قبل صلاة الجمعة، في شارع العروبة قدام صيدلية الحسيني بالطالبية.

ج: كنت لوحدي، وكان في واحد سواق «توك توك» واقف معانا معرفش اسمه.

ج: كنت واقفة على «فرشة» الخضار بتاعتي.

ج: أنا مكنش قصدي أموته، دي كانت خناقة.

ج: هو مكنش معايا في وقتها، وهو طول عمره موجود على «فرشة» الخضار بقطع وبنضف بيها الخضار.

ج: هي سكينة صغيرة لها يد بيضاء بلاستيك، والسلاح بتاعها مشرشر من ناحية واحدة اللي بنقطع بيها.

ج: علشان مكنش قدامي حاجة تاني غيرها.

ج: هو عبارة عن سكينة صغيرة.

ج: هي السكينة كانت على «فرشة» الخضار ومعايا وبستخدمها في تنظيف وتقطيع الخضار.