أحمد زاهر :«قايل لبناتي على خطوط حمراء في التمثيل معملتهاش انا شخصيا».. ما القصة؟ | المصري اليوم

كشف الفنان أحمد زاهر العديد من أسرار حياته الشخصية والعملية مع بناته ملك وليلى احمد زاهر، مشيرا إلى أنه وضع لهم خطوط لا يتخطاها أحد منهم خلال بالفن

مسلسل «نعمة الأفوكاتو» الحلقة 3: مي عمر في مواجهه مع أحمد زاهر بعد خيانته لها

أحمد زاهر يواجه حسن الرداد فى «محارب» برمضان 2024

سلمى أبوضيف في كواليس تصوير مسلسل «أعلى نسبة مشاهدة» مع ليلى أحمد زاهر (صور)

وقال «زاهر» خلال استضافته ببرنامج «كلام نواعم» المذاع عبر «mbc مصر»، قائلا :«قايل لبناتي على خطوط حمراء في التمثيل معملتهاش أنا شخصيا، هما من غير ما أنا أقولهم لو لاقوا دور جايلهم فيه حاجة بيعتذروا على طول من غير الرجوع لي، لاني مش بحب الأدوار الخادشة للحياء، وشايف أن ملهاش معنى قلت لهم أنا شخصيا أهو راجل عمري ما عملت الحاجات دي فهما مش هيعملوها وأنا لو مش موجود لو ميت هما هيرفضوا الحاجات دي و مجتمعاتنا الشرقية بقت بتنفر من الحاجات دي».

وأضاف: «أنا فخور بليلي بنتي أوي لأنها فاجئتني في مسلسلها الجديد (أعلى نسبة مشاهدة) ولم أجلس معها في أي مشهد لأني كنت بصور، انبهرت بأدائها مكنتش متوقع عمرها ما شافت الناس دي ولا ليها صاحبة قريبة من الشخصية دي، أنا شهادتي مجروحة لكن ابهرتني، وعلى طول بقولها ركزي في اختياراتك اللي جاية، وبالنسبة إنها داخلة على مرحلة خطوبة وجواز بقولها حبي جوزك واديله من قلبك لأنه هيبقى شريك حياتك المستقبلي، اختاري أدوارك بعناية جدا لأن الحمد لله عايشة في خير أبوكي فمش محتاجة لفلوس وعايزة تشتغلي يبقي تنقي النجاح اللي حصل السنة دي لازم له استمرارية».