«إزاي مشجع بدون علم وطبلة؟».. شوبير ينتقد منع جماهير الأهلي من ارتداء الرقم 72 | المصري اليوم

04/15 12:36

انتقد أحمد شوبير، حارس مرمى الأهلي ومنتخب مصر السابق، المضايقات القوية التي يتعرض لها جمهور النادي الأهلي في الفترة الأخيرة ومنعهم من دخول المباريات بالأعلام وأدوات التشجيع، وكذلك منعهم من ارتداء الرقم 72 الخاص بشهداء الأهلي.

موعد مباراة الأهلي ضد بترو أتلتيكو في نصف نهائي السوبر الإفريقي لكرة اليد سيدات

«ساعات بتهرب منه».. شوبير يعلق على اعتراض الأهلي والزمالك على إبراهيم نور الدين

وفاة والد نجم الأهلي وليد سليمان

وقال أحمد شوبير، في تصريحات إذاعية اليوم الاثنين: «أنت النهاردة بتقول لي 20 ألف متفرج لمباراة الأهلي والزمالك والاستاد هيفتح الساعة 3 والماتش أساسا الساعة 7، ليه كل ده؟، ده هما 10 آلاف مشجع هنا و10 آلاف هنا، أنا من حقي أروح قبل المباراة ب5 دقائق ألاقي مكاني موجود».

وتابع أحمد شوبير: «ولازم تعمل موضوع الأكل والماء جوه الاستاد بسعر مناسب ويكون سعر التذكرة مناسب خاصة في المباريات العادية وارفعها شوية في ماتش زي الأهلي والزمالك».

وأوضح شوبير: «أنا كمشجع أخش إزاي من غير علم وإزاي من غير الطبلة الكبيرة اللي بتبقى مع واحد أو اثنين وإيه المشكلة أروح أغني وأزمر وأنبسط.. الجمهور يا جماعة مش على هوا حد الجمهور على هوا اللي يحبه وزمان الجمهور كان بيخترع لنا أغاني وإحنا في المدرجات».

وأضاف شوبير: «وليه المشجع ما يلبسش الرقم 72 إزاي يعني ده لاعبي الأهلي بيتدربوا ويسخنوا بالرقم 72، كده كده ممنوع منعا باتا الخلط بين الرياضة والسياسة المدرج عشان المتعة والفرحة والسعادة لكن في نفس الوقت مش شايف مشكلة في لبس تي شيرت بأي رقم، والممنوعات اللي ممنوعة أنت ملتزم بيها تماما».