هشام ماجد: أنا مقصر في حق أحمد فهمي | المصري اليوم

كشف الفنان هشام ماجد عن رأيه في الأعمال الفنية الحالية التي تعرض، مشيرًا إلى أن لديه شهوة شراء «الجزم» وهو والمخرج عمرو سلامة.

هشام ماجد: أحمد الفيشاوي وقف معانا وقفة جدعنة وساعدنا في بدايتنا

هشام ماجد: بحب الزمالك.. وقلت لـ أمير مرتضي منصور الصفقات مبتتعملش كده

هشام ماجد: «مبحترمش المغرور ومتوقعتش نجاح مسلسل أشغال شقة عند الطبقة الشعبية»

وأضاف هشام ماجد عبر برنامج «أسرار» مع الإعلامية أميرة بدر المذاع على قناة النهار: «بكره الاعمال اللي بيبقى فيها نجم وكله بيخدم عليه، بحب كل الموجودين له لازمة ومهم في المشهد، وبحاول اعمل كده، وده بيدي للعمل قيمة اكبر، بيبقى فيها هات وخد، يعني لو شفنا فيلم الناظر كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم».

وتابع: «شهوتي شراء الجزم وساعات بيبقى مالهاش لازمة وانا وعمرو سلامة فينا الموضوع ده، عندي حوالي ٦٠ جزمة وحاططهم على الأرض، ومراتي بتضايق من ده، بقف في المراية كتير واتأكد اني كويس، مبشوفش نفسي حلو وكتر خير اللي بيشوفني حلو، مبحبش تغيير الشكل والعمليات، إلا لو عندك عيب مضايقك اوي، مش زعلان من أحمد فهمي عشان أعاتبه، وهو بيكلمني كتير، وانا اللي مقصر معاه، وطالع معاه ضيف شرف، وأنا عندي فيلم في العيد، اسمه فاصل من اللحظات السعيدة».

برنامج «أسرار» تقدمه الإعلامية أميرة بدر على شاشة النهار يوميًا خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.