المحتوى الرئيسى
تريندات

بالفيديو- ريهام سعيد لأحمد حسن: مامتك زي القمر وهتبقا قمر أكتر لو خست

08/24 11:18

وجهت الإعلامية ريهام سعيد رسالة للاعب كرة القدم ونجم منتخب مصر المعتزل أحمد حسن بعد أن انتقد تصرياتها حول مرضى السمنة بصورة له مع والدته.

ومن خلال فيديو نشرته عبر صفحتها على Facebook، تعلن من خلاله اعتزالها العمل الإعلامي قالت ريهام "كابتن أحمد حسن مامتك زي القمر ومحدش قال إنها مش زي القمر، وواضح إنك كمان متفرجتش على الحلقة وزيطت مع الزيطة وهيصت مع الهيصة، هي زي القمر".

وأضافت "وممكن تبقى زي القمر أكتر لو خست، وهتبقى صحتها أحسن ومينفعش تشجعها على إنها تبقى تخينة علشان الكوليسترول والضغط ورجلها اللي مش هتقدر تمشي عليها لو هي فعلا قادرة تمشي دلوقتي".

واختتمت ريهام "هي أكيد متضايقة إنها مليانة دلوقتي، وأكيد نفسها تقيل دلوقتي، واسألها إذا كنت أنا كدابة!، وهو ده اللي كنت عايزة أغيره إنكم تقولوا للتخان أنتوا زي القمر وأنتوا حلوين، كده لأ هتموتوهم حرام عليكم".

وكانت ريهام سعيد قد تعرضت للإيقاف من قبل نقابة الإعلاميين على خلفية تصريحاتها ضد مرضى السمنة ووصفها لهم بأنهم عبء على أسرهم وعلى الدولة ويشوهون المنظر العام.

تلك التصريحات التي عرضتها لسيل من الانتقادات أدت إلى صدور هذا القرار.

أهم أخبار فن وثقافة

Comments

عاجل