بهاء الدين محمد يفتح النار على أنغام: «أنا محدش بيقولي أكتب إيه»

أعرب الشاعر بهاء الدين محمد عن غضبه، وذلك بسبب انتشار فيديو للفنانة أنغام من خلال إحدى لقاءتها التليفزيونية، تؤكد أنها تعاونت معه في كتابة أغنية "أكتبلك تعهد"، وأنها لها منذ البداية، وذلك ردًا على ما قالته المطربة سميرة سعيد أنها عرضت عليها من قبل، ولكنها رفضتها.

ونشر بهاء عبر صفحته الرسمية بموقع "إنستجرام"، فيديو للقاء الفنانتين سميرة وأنغام، وعلق عليه قائلًا: "الفيديو ده إتبعت لي ومع الأسف مضطر أرد بإختصار.. أولًا سميرة سعيد بتقول الحقيقة وفعلًا كانت عندها الأغنية ولكن إختلفنا على لحنها وما كانتش سبب زعلنا خالص.. ولها الإحترام.. وبعدين سمعتها لأنغام وكتبت أكتر من كوبليه كعادتي.. وزي ما باعمل مع عمرو دياب مثلًا.. ولكن الملحن الفنان إيهاب عبد الواحد كان ح يسيب الكوبليه اللي سمعتوه.. ولكن أنغام أصرت إنه يلحنه.. وقالتلي هو يتعب لأنك كاتب كوبليه هايل.. وهو ده اللي حصل بالظبط ".

وأَضاف بهاء: "أنا محدش بيقولي أكتب أيه وإلا كانوا عملو من غيري شعراء.. وكان لازم أوضح لأن كلمات أكتبلك تعهد كانت سبب مهم وأساسي في نجاح الأغنية مع إحترامي للملحن والمطربة.. ولكن لن أقبل حد يقول إنه بيشاركني في دوري.. لأن الأغنية دي بالذات غيرت الخريطة والمراكز وأنا شاعر له 2500 أغنية.. مفيش حد له بصمة في كلماتي ولا يتدخل في أفكاري مع إحترامي للجميع وشكرًا.. غيرتي على موهبتي اللي تعبت فيها سنين.. لا أقبل التقليل منها لهدف لا أعلمه بس هي مواقف بتعلمنا نكون على حذر.. وأسف بس كان لازم أرد.. ولو حد بيديني أفكار ليه ماعملش مع غيري كده.. وطلع نفس المستوى.. اللي إتقال ده غلط كبير".