شيرين عبد الوهاب توضح حقيقة تصريحها المثير للجدل - E3lam.Org

أوضحت الفنانة شيرين عبد الوهاب حقيقة تصريحها الأخير، الذي أثار جدلًا واسعًا خلال حفلها في البحرين مارس الجاري. شيرين عن تصريحها

قالت شيرين عبر حسابها على موقع التواصل الاجتماعي “فيس بوك”: “عاوزة أتكلم من قلبي مع كل واحد من أهل بلدي الحبيبة، ومن أهلي وأصدقائي وزملائي؛ اللي قدروا يفهموا ويصدقوا إني لا يمكن أسئ لبلادي اللي أنا كلي من خيرها ولا يمكن أنكر فضلها عليا، بجد بشكركم وبحبكم، وبعتذر للي أساء فهم كلامي من كل قلبي”.

تابعت: “بالنسبة للقنوات المأجورة من خارج مصر، اللي خدت كلامي وخرجته عن سياقه تمامًا وحاولت تستغله ضد بلدي؛ بقولهم أن بلدي خط أحمر، وعمركم ما هتفرقوا بيني وبينها”.

أردفت: “أحب أوضح لكل الناس اللي حقهم يعرفوا إن ما كُتب عني في الصحافة ونسب لي غير صحيح بالمرة، وتقدروا تتحقوا من صحة كلامي من الفيديو الموجود مع إنه ممنتچ عن قصد علشان يطلعني غلطانة”.

أوضحت: “ما قيل على لسان النقابة والصحافة إني قلت (أنا هنا أتكلم براحتي عشان اللي بيتكلم في مصر بيتحبس)، وطبعًا ده مش حقيقي، ومقلتهوش لأن الكلمة بتفرق!، اللي قلته نصًا وهو موجود بالفيديو (أنا هنا أتكلم براحتي عشان في مصر ممكن يسجنوني)، فيه فرق كبير بين الجملتين!”.

اختتمت: “‫أنا كنت بتكلم عن موقف شخصي لما هزرت على المسرح من قبل ورُفعت عليا دعاوى وصدر حكم بسجني سنة وسددت كفالة، واستأنفت واتلغى الحكم في الاستئناف!، وبعدين اترفع عليا جنحة مباشرة عن نفس الواقعة، واتحكم فيها بعدم اختصاص القضاء المصري بما وقع في الشارقة؛ هذا ما كنت أقصده والله أعلم بالنوايا.، بحبك يابلدي مهما حصل، ودايمًا تحيا مصر”.

نرشح لك: بسبب “فيها حاجة حلوة”.. عمر خيرت يُقاضي “فودافون”