«نانيس» تطلب الخلع: «شيك بره البيت وبيلبس تحت البدلة كلسون أبيض»

"غادة" تطلب الخلع: "جوزي عاوز يسلفني لصاحبه بـ100 ألف جنيه"

"ميرنا" تطلب الخلع: "زوجي مدمن منشطات ومنعني من الإنجاب"

"إيمان" تطلب الخلع بعد 5 سنوات زواج: "أخاف ألا أقيم حدود الله"

"نورهان" تطلب الخلع: "كل ما نتخانق مع بعض يكهربني"

بعد زواج استمر عدة أشهر، أقدمت «نانيس. ع» 33 عامًا، ربة منزل، على إقامة دعوى خلع حملت رقم 1588/2018  ضد زوجها «أسامة. م» 43 عامًا، مهندس مدني، بسبب استحالة العشرة بينهما، بسبب اختلاف الثقافة والتربية.

علاقة إعجاب بدأت منذ نحو 11 شهرًا، انتهت بالموافقة على الزواج بين الطرفين، لكن الخلافات بينهما بدأت سريعًا، تروي «نانيس» لـ«هن»: «اتعرفنا على بعض في المكتب بتاعه كنت عايزة أجدد شقتي وجارتي نصحتني أروحله وحصل خلاف بيني وبين أحد مساعديه واشتكيت له وبدأت علاقتنا بعد ما خلصت الشقة.. انجذبنا لبعض بسبب ظروفنا المتشابهه لأن إحنا الاتنين مطلقين وعندنا أولاد».

خلافات بدأت بعد الزواج مباشرة، مضيفة: «أكتر حاجة عجبتني فيه فترة التعارف بينا إنه كان مودرن وذوق ومش شرقي عشان كدا فكرت ارتبط بيه.. كان متقبل طريقة لبسي وتعاملي مع الناس وإني بدخن عادي.. لكن من أول ما سافرنا شهر العسل وبدأت شخصيته الحقيقية تبان كل الأقنعة اللي حاططها وقعت لأن متلبسيش ده بتكلمي ده ليه كدا صوت ضحكتك عالية مع إن ده كان عادي قبل كدا.. ومقارنتي بمراته الأولى أصلها كانت بتعمل وتخلي وكانت محجبة ومش عارف إيه».