إبراهيم حسن ينفجر في وجه حمدي والخطيب ويؤكد: "تريكة وبركات مش أساطير" | كورة١١

انفجر إبراهيم حسن نجم نادي الأهلي والزمالك الأسبق ومدير الكرة الحالي بنادي المصري على البورسعيدي غاضبا في وجه المسؤولين في القلعة الحمراء.

وقال الظهير الأيمن التاريخي للكرة المصرية في تصريحات تليفزيونية: “الأهلي بيتي أنا وحسام غصب عن التخين والجاحد وأبو قلب اسود، لينا في الأهلي أكتر من أي حد وتدريب الأهلي شرف كبير”.

وتابع: “ناس لعبت في الأهلي 6 سنين وأصبحوا أساطير ونحن أولاد النادي عشان لعبنا في الزمالك مبقناش أساطير، تريكة وبركات وغيرهم دول نجوم حققوا بطولات لكن الأساطير اللي لعبوا من صغرهم في النادي”.

وواصل: “أنا وحسام لعبنا ناشئين في الأهلي بس نعتبر نجوم في الزمالك مش أساطير لاننا حققنا بطولات في 4 سنين معاهم محققهاش لاعيبة في 700 سنة مع احترامي ليهم”.

وأكمل: “ريحة نجيلة التتش محدش يقدر يعرف قيمتها اللي اتربى واتمرمط فيها كل اللي جيه دلوقتي بيتمرن على ملعب حرير، بطلب مناظرة مع حسن حمدي والخطيب والحاج محمد عبد الوهاب وهشام سعيد وعدلي القيعي اللي كانوا موجودين لما مشينا من الأهلي”.

وأردف: “قولوا مشيتوني انا وحسام ليه ؟ الراجل اللي عايز يريح ضميره قبل ما يموت قولوا اننا طلبنا منكم جنيه ؟ ولا انتوا اللي مشيتونا ؟”.

واختتم: “ثابت البطل ظلمنا ؟ أه ظلمنا .. بس انا وحسام مسامحينه وبنطلب له الرحمة بس اللي مش مسامحينه سواء عايش أو ميت سئ الذكر الألماني تسوبيل”.