مرتضى منصور يكشف: الخطيب يضع «بنود كارثية» في لائحة الأهلي (فيديو)

واصل مرتضى منصور، رئيس نادي الزمالك، هجومه على اللجنة الأوليمبية، على خلفية أزمة رفض اللجنة اعتماد الجمعية العمومية الأخيرة للقلعة البيضاء، معلقًا: «روح دور على هاني العتال دفعلك رشوة ولا لأ، مالكش دعوة بيا أنا».

وسخر مرتضى، خلال مداخلة هاتفية بقناة «الحدث اليوم»، من هشام حطب، رئيس اللجنة الأوليمبية، قائلًا: «مش أنت اللي روحت لمحمود الخطيب، من غير ما تقرا اللائحة بتاعة الأهلي، اللي مبقاش فيها لجنة أوليمبية وجهة إدارية كلهم بقوا طراطير طراطير».

وتابع رئيس القلعة البيضاء: «الخطيب عامل مجلس للانتخابات من الأعضاء بتوعه، هو اللي يفرز الأصوات ويعلن النتيجة، مابقاش فيه قضاة ولا جهة إدارية ولا لجنة أوليمبية عشان يغيظوا مرتضى بشغل كيد النسا».

وكشف أن محمود الخطيب، يضع بنودا كارثية في لائحة النادي الأهلي الجديدة، وأعضاء الجمعية العمومية لم يقرأوا تلك البنود على الأرجح، وقال: «أنا بحذر بصفتي عضو فيها قبل الخطيب نفسه»، مضيفا: «إزاي الفوضى اللي بتحصل دي، كل ده عشان تغيظوا مرتضى منصور، طب أنا عايز راجل ييجي يعمل معايا مناظرة في أي حتة، هي فتونة ولا خناقة بلدي عشان نشوف الكلام ده؟».

وانفعل مرتضى منصور قائلا: «أنا بوجه الدعوة لعنتر اللي في اللجنة الأوليمبية ولو طلعت غلطان وفقًا للدستور والقانون هستقيل وهعتذرلك، إنما شغل البطلجة والفتونة ده لأ، أنت رئيس اتحاد البغال هتتكلم معايا أنا؟ أنتوا مين نفسي أعرف؟ أنا اللي منجحكم كلكم».