بريد الوطن| «عبدالوهاب» تعظيم سلام
05/21 18:15
ستين سنة يمكن أكتر وانت بتدّى مغنى وأنغام
بحلاوة أكتر م السكر نسمة تعدّى وحى وإلهام
العود وتر باسم باكى راقص هايص زى الأحلام
والليل قمر ساجى يناجى عاشق رايق حالف ما ينام
والنيل أثر باقى يلاقى ملاح تايه وشراعه كلام
دندن وقسّم واتبسّم ناس تتعلم منك يا سلام
ودوّب الفن الراقى وانت الساقى 100 سنة قدام
فجر وطلع، نجم ولمع، علَم ارتفع بين الأعلام
فنان أصيل مالوش بديل تاريخ طويل سجل حافل بالأرقام
Comments