المحتوى الرئيسى
رياضة

أحمد شبكة يكتب: "ع الأصل دوّر" (1) - E3lam.Org

05/17 15:33

سألوني في موقعي المفضل “إعلام دوت اورج” عن سلسلة المقالات اللي هاكتبها السنة دي وبصراحة أنا باحب الموقع وكل القائمين عليه وباتلكك عشان أكون وسطهم بأي طريقة..

طلبت مهلة للتفكير وقعدت أفكر…

السنة اللي فاتت كتبت سلسلة “مسلسلات بالوقّة”، والسنة اللي قبلها شاركت في لجنة تحكيم الموقع، وبصراحة مرهِق جدا لكل صاحب ضمير زي حالاتي إني أقيّم مسلسل وانتقده نقد مشاهد هاوي من حلقة ولا حلقتين، وكمان مستحيل اشوف التلاتين أربعين مسلسل كلهم بكل حلقاتهم، وأنا راجل باحدد مسلسلين بالكتير أتابعهم ودمتم ودام فضلكم.

نرشح لك: مواعيد عرض أيوب لـ مصطفى شعبان #مسلسلات_رمضان_2018

ولذلك شلت من بالي تماما كنوع من الكسل الرمضاني وكمان التجديد إني اكتب عن المسلسلات وخصوصا إن فيه ناس كتير متخصصة وفعلا مقالاتهم مفيدة جدا ومحترفة وعميقة بيتصدوا لموضوع المسلسلات ده في موقعنا العزيز أقدر وأحسن مني بسنين ضوئية.

طيب وهو رمضان فيه حاجة يتكتب عنها غير المسلسلات؟ غالبا غالبا مافيش.. طيب ايه؟ اعتذر وأكسّل أكتر وأكتر وأقضي رمضاني العزيز بين النوم وانتظار الفطار ومشاهدة المسلسلين بتوعي وقراءة مقالات موقع إعلام دوت أورج عشان أعرف باقي أخبار الميديا والإعلام؟!

نرشح لك: مواعيد عرض اختفاء نيللي كريم #مسلسلات_رمضان_2018

لا هاتكسف جدا رغم لذاذة الكسل وميلي الشديد له في رمضان…

فعلا هو ده الحل اللذيذ والمناسب إني أدوّر على أصل الحاجات اللي ارتبطت برمضان و سببها وتاريخها وأشهر فرسانها.

لا لا أكيد مش الكنافة و القطايف والفانوس..

نرشح لك: مواعيد عرض الرحلة لـ باسل خياط #مسلسلات_رمضان_2018

هو أنتم فاكرين إني باحث تاريخ؟

أهم أخبار مصر

Comments

عاجل