«ما أحلاكِ وأنتِ غولة».. رسالة الأنوثة الواثقة من ...

“أنت حلوة”، هذا ما علقت به صبا مبارك على أحدث صورها التي نشرتها عبر حسابها الرسمي على “إنستقرام”، بعد رسالة مطولة حرصت من خلالها على توجيه رسالة هامة لمنتقدي صور الأشخاص عبر مواقع التواصل الاجتماعي.

وقالت “مبارك”، التي ظهرت من خلال صورتها وهي ترتدي فستانا أسود اللون: “إذا كنتي مليانة رح يحكوا ناصحة، وإذا نحفتي رح يحكوا ضعيفة، إذا عرضتي حواجبك رح يحكو متغيرة، إذا الصورة من فوق رح يحكوا رأسك كبير.. بدك تلبسي فستان وتحطي كل الماكياج الي بالعالم؟ حطي، و افرحي وحسي إنك حلوة”.

وتابعت رسالتها قائلة: “وإذا قررتي تلبسي جينز وتيشيرت البسي وحسي إنك بسيطة، إذا الكعب وجع أجرك البسي واطي حتى لو طولك مش ١٨٠ بدك شعرك كيرلي؟ ما أحلاكي حتى لو حكوا غولة، بدك تسشوريه؟ ممتاز حتى لو حكوا ليش هيك عاملة بحالك كنتي أحلى، حاطة فيلتر الورد وطالعة زي الحديقة؟ يا سلام، حاطة فيلتر الكلب وطالع منو ادنين و لسان؟ كيوت وبتجنني”.

وأضافت: “ما تسمحي إنه حد يختصرك وتتلخصي بشكلك، معناتو أنت صورة وبس،… ويا ريت اسمحيلي، هالصورة أكيد رح تتغير لانو كل الأشكال بتتغير لانو الوقت بيمر، والموضة بتمر، بالظبط زي ما الوقت بيمر على الي عم يحكموا على صورتك، لكن لما ترفضي إنك تكوني صورة وبس، بتخلي إنجازك هو هدفك، وبتخلي أي تغيير فيكي يكون للأحلى وللأحسن، من جوا لبرا” .

وأنهت رسالتها قائلة: “الفكرة إنك مش صورة.. أنت روح، والي منهم مفكر إنه صلّح العالم ومش باقي عندو غيرك لحتى يصلحه، ساعتها اعطيه من وقتك و اسمعيه، وإذا لأ.. ناوليه مراية وخليه يصفن بحالوا وبجمالوا.. امشي وارفعي راسك، كيف ما كنتي وايش ما كان لونك أو طولك أو وزنك، أنت حلوة”.

جمهور “صبا” تفاعل بشكل كبير على رسالتها وأكدوا إنها بالفعل عبرت من خلال رسالتها عن ما بداخل الكثيرين منهم، وتمنوا أن يتعامل الجميع بهذا المبدأ التي تناولته صبا في رسالتها.

على الجانب الآخر، تستكمل الفنانة صبا مبارك تصوير مشاهدها في مسلسل “طايع”، الذي يقوم ببطولته عمرو يوسف وسيد رجب وسهير المرشدي ومحمد علي وهند عبد الحليم ومها نصار، ومحمود البزاوي، وتدور أحداثه حول قضايا الثأر بصعيد مصر والعادات والتقاليد القبلية التي يتمسك بها الكثير من أهالي الصعيد.