لاعب الاتحاد: الشناوى أخويا الكبير.. ولو كنت أعرف اللى هيحصل مكنتش نزلت الملعب.. فيديو

04/16 00:21

أعرب محمد عبدالمجيد لاعب الزمالك السابق، والاتحاد السكندرى الحالى، عن حزنه الشديد لإصابة حارس القلعة البيضاء أحمد الشناوى، خلال اللقاء الذى جمع الفريقين ضمن منافسات الجولة الـ32 من الدورى المصرى الممتاز.

وقال عبدالمجيد خلال تصريحات فضائية: "أقسم بالله لم أكن أقصد إيذاء الشناوى، وعملت تاكلينج على الكورة عشان حسيت أنى أقرب ليها، ولكن ده قدر ربنا وإن شاء الله يعود أقوى وأفضل من الأول".

وتابع: "تحدثت مع الشناوى قبل اللقاء، فهو بمثابة أخى الاكبر وهو من ربانى داخل جدران القلعة البيضاء، ولو كنت أعرف الإصابة اللى هتحصله مكنتش نزلت الملعب من الأساس".

وأكمل: "كنت أتمنى أن أصاب أنا مكانه، لان حارس الزمالك لو إتيحت له اللعب فى كأس العالم لاحترف بعدها فى أكبر أندية العالم".