#لومعاك_فانوس_تطلب_إيه يتصدر «تويتر»: «مصر تأخد كاس العالم» | المصري اليوم

#لومعاك_فانوس_تطلب_إيه هاشتاج تصدر موقع التغريدات القصيرة «تويتر» في مصر، صباح السبت.

وتباينت ردود فعل المغردين بين حلم وصول مصر إلى كأس العالم، وطلب الفلوس، والأكل، والامتحانات، والهجرة، والسفر، وطلبات معيشية تخص الحياه اليومية.

فقال حساب Hamada: «ارجع شوية إلى ما قبل الإنترنت ومواقع التواصل»، وقال حساب@Radwaofficial: «أكمل جهازي».

وقال حساب Mohamed Elshabah: «هبقى أفضل إنسان في الكون»، وقال آخر: «ارجع 3 ثانوي تاني»، وقال حساب آخر: «أعرف امتحانات آخر السنة»، وحساب Ahmed Afify: «أهاجر مش هطلب أكتر من كده»، وحساب Merna: «هسافر وأسافر وأسافر».

وقال حساب أسماء: «أنا هديه (أعطيه) لأمى تطلب اللى نفسها فيه لإنى كل اللي اتمناه أنها تكون سعيدة ومرتاحة».

وطلب حساب ابن عم ناجي: «568 مليون دولار بس»، وحساب saad Eltorky: «36 مليون دولار و950 جنيه أجيب شنطة أحط فيهم الفلوس، و25جنيه أعزم أصحابي وأروح اتعشا بيهم على عربية الكبده»، وحساب «علي ابن الناس الكويسين»: «شوية فلوس متخلنيش اشتغل تاني».

وقال حساب ahmed. Adel: «اعدي من الفسيولوجي والبايو بسلام، وبرشلونة يكسب الدوري والكاس ودوري الأبطال، والأرجنتين تاخد كأس العالم».