المحتوى الرئيسى

«سليمة»: جوزى متوفى وعندى 5 عيال وكان حلمى أتعلم شغلانة

03/23 10:06

تغطى وجهها ملابس سوداء، طبقاً لعادات قريتها البدوية، «الجبيل»، بجنوب سيناء، وتجلس فى أحد أركان المشغل بقريتها، وفى الخلفية ينساب صوت أغان لأم كلثوم، بينما تُمسك إبرة الكروشيه لاستكمال نسيج شال تتداخل ألوانه فى أشكال هندسية مختلفة بأصابع يديهيا.

سليمة معبد، السيدة التى تجاوزت الأربعين من عمرها، قررت أن تتعلم الكروشيه بحثاً عن الرزق، بعد أن توفى زوجها تاركاً لها 5 أبناء، ومعاشاً لا يتعدى 150 جنيهاً، تقول «سليمة»: «جوزى مات من بعد ما جبت ابنى سويلم الأخير، ومن يومها وأنا بحاول أشتغل، بس طبعاً أهلى رافضين، لأن عندنا الست مابتشتغلش، لحد ما بدأت أتعلم التطريز والشغل اليدوى فى المشغل، وناقص لى شهر وأقدر أشتغل لوحدى واعتمد على نفسى»، وتضيف بطريقة يشوبها الفخر: «الست الجدعة هى اللى بتشتغل تحت أى ظروف، وأنا كان نفسى فى فرصة شغل أشتغلها من غير ما أخرج بره عاداتنا وتقاليدنا، لأن الدنيا صعبة وكل واحد بيشيل نفسه بالعافية».

خلف طرحتها السوداء التى تحجب وجهها البشوش، تتحدث «سليمة» بصلابة رغم ظروفها الصعبة التى كادت «تقصم ظهرها»، على حد تعبيرها، فتقول: «من بعد ما جوزى مات وأنا عايشة على المعاش، ده غير مساعدات أهلى ليّا، حاولت أبيع أكل لجيرانى بس مكسبتش منه عشان عندنا كلهم بيطبخوا وياكلوا فى بيوتهم، لحد ما ربنا رزقنى بالمشغل، بقى يطلع لى 300 جنيه فى الشهر، وبقالى شهرين فيه، وبحاول أجتهد وأتعلم بسرعة عشان أقدر أشتغل لوحدى فى البيت وأبيع للناس اللى أعرفهم».

أهم أخبار مصر

Comments

عاجل