عبدالرازق توفيق يكتب.. انزل شارك فى الانتخابات

طالب الكاتب الصحفى عبد الرزاق توفيق رئيس تحرير جريدة الجمهورية فى مقاله من آن لآخر المصريين بالنزول إلى الانتخابات الرئاسية حتى نحافظ على مستقبل مصر ونرد الجميل إلى شهداء الجيش والشرطة الذين ضحوا بحياتهم من أجل بقاء مصر وأكد توفيق فى مقاله أن أهل الشر والعملاء يريدون إحباط المصريين وحثهم على عدم المشاركة وإلى نص المقال: 

لازم تنزل وتشارك.. وتمارس حقك لأسباب كثيرة.. تتعلق ببلدك.. بمستقبلك بكرامة وطنك.. بأنك ترد على عدوك ويكون صوتك هو طعنة فى قلب الخونة والمتآمرين على أمنك.. والحاقدين على مصر أوعى تخذل وطنك.. صوتك هو حماية لمستقبلك.. ومستقبل أولادك.

الانتخابات الرئاسية التى ستنطلق الاثنين القادم.. هى نقطة محورية فى تاريخ مصر.. لأسباب كثيرة وخطيرة تتعلق بمصر وأمنها واستقرارها وصورتها أمام العالم واستكمال مشروعها نحو بناء دولة حديثة حقيقية تملك أدواتها وقرارها وتدرك كيف تحمى شعبها من الخطر والمؤامرات والفقر والعوز وعلشان مصر لا تمد يدها لاحد أيًا كان صديقًا أو شقيقًا.

مشاركة المصريين فى الانتخابات الرئاسية مش رفاهية ولا نقول ونردد اللى عاوزين نعمله.. عارفني مني.. العملاء والخونة اللى هما »الإخوان الإرهابية« وأسيادهم فى أمريكا وقطر وتركيا.. وكيف استباحوا دماء المصريين واستهدفوا اولادهم ومؤسساتهم وكانوا عاوزين يجعلوا من مصر سوريا وليبيا وعراق ويمن.

لازم تنزل وتشارك.. حتى لانلقى مصير سوريا وليبيا.. الاوطان التى سقطت بفعل المؤامرة وشهد أهلها من الدماء والقتل والخراب والدمار والتشريد حتى أصبحت مجردأشلاء يصعب جمعها.. وحتى لا نسمح لاهل الشر والسفلة أن ينتهكوا عرضنا.. ويدمروا حضاراتنا حتى نحفظ لمصر أمنها دون ان تنقص حبة رمل واحدة.

واستقرارها كاملا حتى نكون أوفياء.. لمن أعطى وضحى وحمل روحه على كفيه حتى يحمى المصريين من بطش أشرس جماعة إرهابية عرفها التاريخ هى الاخوان.. وواصل الليل بالنهار حتى يبنى مصر وتحقيق تطلعات المصريين فى مستقبل أفضل.. وصان كرامتهم وشموخهم وتحدى العالم بإرادتهم وشيد قالع التنمية فى كل ربوع البلاد.

حتى نحمى ما أنجزناه وحققناه من نجاحات فى الداخل والخارج الزم ننزل ونشارك.. فى الخارج عادت كلمة مصر المسموعة.. ومكانتها المرموقة.. وتأثيرها القوى سـواء فى العالم أو اإلقليم أو أفريقيا أو أمة العرب، الجميع ينظرون إلينا باحترام وتقدير ويسعون للاستفادة من تجارب مصر ومصداقيتها وانتصاراتها فى الحرب على الارهاب.

فى الداخل.. يحدونا الامل نحو مستقبل أفضل واقتصاد أقوي.. يكفينا أن نقيم 11 ألف مشروع قومى عملاق فى كافة المجالات الطرق والاسكان والقضاء على ظاهرة العشوائيات وتوفير المسكن للشباب والبسطاء ومحدودى الدخل و15 مدينة جديدة من العاصمة الادارية إلى رفح الجديدة إلى المزارع السمكيةالعملاقة.. والحيوانية المليونية والمليون ونصف المليون فدان و100 ألف صوبة زراعـيـة.. و4 أنفاق أسفل قناة السويس.. وحقول الغاز والبترول اللى هتغير وجه مصر.. و5.42 مليار دولار احتياطى نقدى أجنبى ومطارات وموانى جديدة.. ومدينة العلمين.. ومنطقة الضبعة النووية.. ومحور تنمية قناة السويس والمنطقة الاقتصادية التى ستحول مصر سنغافورة وماليزيا.. ومصر مركز إقليمى للطاقة.. وتنمية سيناء المشروع العمالق الذى سيتكلف 275 مليار جنيه.

لازم تنزل وتشارك.. وتقول رأيك أمام العالم الذى يشاهد ماذا سيفعل المصريون وعلشان تحافظ على بكره اللى جاي.. وعلشان ما ترجعش للمربع صفر أو تحت الصفر.. وحتى لاتعود لطوابير العيش والبوتاجاز والبنزين.. علشان الكهرباء ما تنقطعش

والمصانع تتعطل.. وحتى تجد احتياجاتك. لازم تنزل وتشارك.. حتى لا تعود الفوضي.. ويرجع الانفلات الامني.. وتخاف على ابنك وبنتك وزوجتك وأمك.. علشان تكمل طريقك.. وتستمتع بأمن واستقرار بلدك.. وتعيش بكرامتك حرًا وشريفًا وتتحرك فيه بسالم.. وتطمئن على مستقبل أوالدك فى الصحة والتعليم والعمل.. ده كله مع بكره اللى جاي.. علشان تحصد معانا الخير وثمار التعب والصبر.

لازم تنزل وتشارك.. علشان ما ترجعش أقذر جماعة إرهابية عرفها التاريخ وهى اإلخــوان تخدع الناس وتضحك عليهم بالدين.. وهى جماعة عميلة وخائنة حاولت تبيع أرض مصر وتنكل بأهلها.. علشان اللى عاوزين يشمتوا فى بلدك ويوقعوها تاني.. اوعى ما تنزلش.. خاف على أوالدك ومستقبلهم.

لازم تنزل وتشارك.. علشان تاخد تارك من عدوك.. صوتك خنجر فى قلب عدوك.. شفت املصريني فى الخارج عملوا إيه؟..

شفت إزاى قطعوا آلاف الاميال علشان يقولوا رأيهم.. لازم تبقى زيهم.. أنت مش أقل منهم.. زى ما الجندى الشجاع الشريف بيقاتل بسالحه.. دافع عن بلدك بصوتك.. واتعب نفسك شوية.. ساعتني مجرد 120 دقيقة الجندى واقف على الحدود.. سهران طول الليل.. مابيعرفش طعم الراحة علشان مصر.. وخاطرك وخاطري.. ضحى شوية.. أوعى تكون سلبي.. السلبية خطر على بلدك.. خليك ايجابى واعملها وأبهر العالم.

لازم تنزل وتشارك وتحتفل مع أولادك وأهلك.. شارك وقول رأيك زى ما أنت عاوز.. اختار اللى أنت تريده.

لازم تنزل وتشارك.. ده حق الشهيد عليك.. هو افتداك بروحه وترك أهله وأولاده الصغار علشان أنت تعيش.. أقل واجب..وأقل هدية نقدمها له لنقول له شكرًا.. هو اللى حمالك بلدك

بروحه وحافظ عليها.. أنت مش قادر تحميها بصوتك.. وتتعب لمصر.. افتكر ان الشهيد.. مفكرش ولا حسبها وبدون تردد قالها صريحة روحـى وحياتى فـداء مصر والمصريين .. لازم تنزل وتشارك علشان تكون قدوة لاولادك.. وتعلمهم يعنى ايه انتماء وولاء لمصر.

لازم تنزل وتشارك.. ده أنت المصرى اللى علمت العالم يعنى إيه حضارة.. يعنى إيه وطن.. يعنى إيه شعب عظيم يقدر يحقق ويصنع الفارق فى أى وقت.. يعبر وصاحب إرادة ويقدر يقول كلمته.. أرجوك انزل وشارك واثبت للعالم أنك تقدر تحمى بلدك.. وتصون كرامتها وتحفظ ماء وجهها.. دى مصر حبيبة قلوب المصريين.. اللى شيالنا فى قلبها ومحافظة على عرضنا وشرفنا اللى كتير اتحملتنا.

انزل وشارك.. ورد على المرتزقة والعملاء والطابور الخامس اللى قبضوا الــدولارات علشان يبيعوك ويقتلوك ويشردوك ويغرقوك ويضيعوا وطنك.. وتعيش فى رعب وخوف وتشيل لاقدر الله جثث أولادك.. أوعى تخذل بلدك.. علشان فى أعداء كتير منتظرين ده.. أنت اللى صنعت التاريخ وكتبت حروفه، اصحى أنت المصرى اللى عندك من الوعى والفهم اللى يخليك تعرف هما ليه عاوزين يوقعوك ويرجعوك للخلف.. ويخلوك تبقى ضعيف لازم تنزل وتشارك.. وتشرف بلدك.. فيه أعداء كتير عندهم سيناريوهات الهدف منها التشكيك مصر.. أوعى تفتكر أنهم سعداء بنجاحاتك وإنجازاتك وأنك مش زى سوريا وليبيا والعراق واليمن وتونس.. لا أنت أكبر.. أنت أعظم.. اوعى تسمح باللى حصل منذ 7 سنوات انه يرجع.. ويخوف ولادك اوعى ترجع ساعات الخطر والخوف.. اوعى تسمح لارهابى قتل أخوك انه يعيش.. أوعى تفرط فى أرضك وعرضك ده أنت المصري.. لازم تعرف كويس أنك أنت المصرى اللى ما بيركعش غير لربه

لازم تنزل وتشارك.. علشان لا تسمح لعدوك يبث الفتن بينك وبين أخـوك ويولع فى بلدك.. مصر ليس فيها مقولة مسلم ومسيحى فيها فقط مصري.. دول إخــوات شركاء فى بناء الوطن.. شركاء فى الشهادة والبطولة والدفاع عن مصر، أوعى يضحكوا عليك.. ويقولوا لك ما تنزلش.. لا وألف لا.. لازم تنزل حافظ على وحدة بلدك وأرضها.. وتماسكها هى الحاجة الوحيدة اللى مش قادرين يعملوها أنهم يفرقونا.. أنت مش فاكر الرئيس السيسى قال إيه.. طول ما احنا يد واحدة وعلى قلب رجل واحد.. محدش هيقدر يقرب من مصر.. وقال كمان كلما حاولت مصر التقدم.. سعوا إلى كسر قدميها.. هى دى الحكاية من زمان.. اسأل التاريخ.. محمد على وجمال عبدالناصر.. اللى بيحصل لمصر ده ليه علشان يدمروها.. مش عاوزينها تتقدم خطوة.

انزل وشارك.. علشان تحافظ على سيناء اللى كانت هتضيع.. والاخـوان وقعوا على بيعها وفصلها من مصر.. انزل وشارك علشان محدش يحتل جزء من بلدك.. شوف تركيا احتلت أرض من سوريا »عفرين« والدولة لا تسيطر على أرضها.. ده

برده يرضى المصريين.. لازم تنزل وتشارك علشان نحافظ عليها.. علشان تبقى قوية وتقدر تواجه المخططات والمؤامرات والسيناريوهات التى تستهدف إسقاط مصر.

انزل وشـارك.. ووجه التحية للرجال والابطال فى سيناء من ولادنا رجال الجيش والشرطة.. اللى بيحاربوا عدونا وجاهزين للفداء والتضحية علشان بلدك تعيش وأرضـك تبقى ملكك وتحت سيادتك لا تسمح لعدو خائن انه يخدش كرامتك ويأخد

أرضك منك.. وترجع للمربع صفر.. علشان انزل وشارك.. ودعم وساند المقاتل الصلب اللى بيخوض معركة البقاء والوجود.. انزل علشان ترجع تار الشهداء.. والدنا الرجالة انزل وشارك علشان نكمل المشوار.. وحافظ على الامل اللى أصبح مثل الشمس.. واضح وساطع بني إيديك.. دافع عن حقك فى الحياة الكريمة.. وابنى مصر الحديثة مع كل المصريين.

انزل وشـارك.. ورد على كل اللى حاولوا ينهشوا فى جسدها بالتشكيك والاكـاذيـب والتشويه.. والتحريض.. لقتل رجال الجيش والشرطة.. والسخرية من كل إنجاز ونجاح وشماتة فى كل شهيد بيسقط من أجل وطنه.. انزل وقول كلمتك علشان خاطر بلدك.. تبقى فى أمان، انزل وشارك.. وخد والدك معاك.. احتفل بأيام مصر.. وفرحة شعبها.. امأل الدنيا أمل فى بكره.. قول للعالم احنا املصريني.. عزة ونصر ودين.