نيفين البطران تكتب: ماما | ولاد البلد

الرئيسيه » رأي » نيفين البطران تكتب: ماما

إيمان رياض، ماما، أهم حاجة عندها إنها تشوفني أنا وأخواتي بنضحك ومبسوطين، ودا خصوصا بعد وفاة بابا، يعني لو شافت دموع في عين واحدة فينا، بتحس إن الدنيا اسودت وإنها مش قادرة تقوم بدورها في إنها تسعدنا.

اهتمت بالمذاكرة جدا وقالت إن التعليم أهم حاجة وشهادتك هيا ضهرك وسندك في الدنيا بعد ربنا، وإن لازم أكون قريبه من ربنا.

وحاجة مهمة جدا إن انا وإخوتي نحب بعض جدا ومفيش حاجة تحصل تفرقنا عن بعض أبدا، حبنا لبعض هو ده الميراث اللي هيفضل معاكو بعد ما….  “بعيد الشر عنك يا أمي”

قامت بدور الأب ودورها كأم بكامل قوتها على الرغم إنها كانت في أشد الاحتياج للمساعدة، اتحملت مشاكل كتير بعد وفاة بابا، ماما مش بتبخل علينا، لا بصحة ولا علم ولا مال.

علمتني أن أسعد نفسي بنفسي، وده بالرضا، وأن اعيش الرفاهية ومحرمش نفسي من أي حاجة حلو

بحبها عشان صاحبتي وأختي وأمي..