المحتوى الرئيسى

«الشيخ سلمان»: اتبرعنا بأراضينا.. وزرعنا 500 نخلة بلح «مجدول» وبقينا نصدره بره

03/20 11:47

عمل مرتدياً جلباباً أبيض.. الشيخ سلمان جمعة، عضو مجلس إدارة مزرعة شباب الوادى، يجمع إنتاج ما زرعه داخل مزرعة مساحتها 62 فداناً، تبرع بها هو وعائلته البدوية لجهاز تعمير جنوب سيناء، ضمن مشروع التنمية المتكاملة بزراعة 13 مزرعة نموذجية، ممسكاً بين يديه ثمار الخضار والفاكهة، التى قام بزراعتها بنفسه بعد تعلمه حرفاً جديدة فى أقل من عام: «احنا عايشين من أيام أجداد أجدادنا فى صخور وجبال ورملة، بيوتنا جوه الصحرا، وحياتنا كلها فيها، لينا عاداتنا وتقاليدنا، والحرفة الوحيدة اللى كنا نعرفنا إننا نربى الأغنام، لحد ما جهاز التعمير اتكلموا معانا وفهمونا مشروع التطوير اللى عايزين ينفذوه، وفعلاً قررت أنا وعيلتى نتبرع بالأرض، ولينا أوراق تثبت إنها أرضنا، ومأخدناش ولا جنيه، عشان فى النهاية دى بلدنا ومش هنبنيها إلا لو كل واحد قدر يساعد باللى يقدر عليه».

شعور بالفخر ينتاب الشيخ بعد مشاركته فى تنمية مدينته طور سيناء، وتعليمه حرفاً جديدة لأبنائه الصغار فيما بعد، لاستمرار التنمية فى سيناء، بحسب وصفه: «أنا اتعلمت حاجات كتير حلوة، اتعلمت إزاى أزرع جميع أنواع الخضار وأغلب الفاكهة، بنزرع عندنا فى المزرعة بإيدينا بلح مجدول، عندنا منه 500 نخلة، وده يعتبر بلح بلاد بره وكمان بقينا نصدره، ده غير رعاية المزرعة السمكية اللى مساحتها ييجى فدان كامل».

كنا فى الأول عايشين فى ضلمة وماحدش حاسس بينا

Comments

عاجل