إيناس عزالدين نجمة "آراب أيدول" تصدم جمهورها بخبر انفصالها عن زوجها

تلقى جمهور المطربة إيناس عزالدين، نجمة برنامج المواهب "آراب أيدول"، صدمة منذ ساعات قليلة، إثر إعلان "عزالدين"، خبر انفصالها عن زوجها الفنان أحمد قمر، حيث كذبها الجمهور، معلنًا أنها "كذبة أبريل"، لكنها سبقت وقالتها قبل حلول الشهر.

وكتبت "عزالدين": "بعلن انفصالي عن زوجي أحمد قمر بكل حب وود واحترام وتقدير ممكن نكون اختلفنا كأزواج إننا نكمل مع بعض أو النصيب وقف لحد كده بس هيفضل صديق عمري كله، بتمنالك كل خير وكل سعادة ونجاح يا احمد يا أنضف انسان عرفته في حياتي، كله قسمة ونصيب".

وتابعت: "معلومة دي مش كدبة ابريل ولا ده خبر هزار".

الأمر الذي جعل الجمهور لا يصدق الخبر وقاموا بتكذيبها، كما هاجمها البعض الآخر بأنها على استعداد أن يكون لها صديق بعد انفصالها، فعادت "عزالدين"، لتكتب: "تعديل.. هو ليه الناس مش متقبلة فكرة اننا انفصلنا واحنا بنحترم بعض وبنحب بعض وشايلين لبعض الخير والتقدير واننا اختلفنا كزوجين وأكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف واحنا شايلين وفاكرين لبعض كل حاجة حلوة".

واستطردت: "مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا".

واستكملت: "احنا اختلفنا وصعب نكمل كزوجين بس مستحيل نبطل نفضل في حياة بعض كأصدقاء لاننا طول عمرنا كنا اصدقاء حتى واحنا متجوزين والعشرة مش بتهون بالساهل ومش معنى اننا اختلفنا وانفصلنا كأزواج اننا نكره بعض ونغلط في بعض وما نشوفش بعض ونعادي بعض"