مرتضى منصور فى مؤتمر صفقة القرن: شكراً تركى آل الشيخ وفلوس النقاز هترجعلك

وجه مرتضى منصور، رئيس نادى الزمالك، الشكر للمستشار ترك آل الشيخ، رئيس الهيئة العامة للرياضة بالسعودية والرئيس الشرفى للنادى الأهلى، لتحمله مليون دولار قيمة صفقة حمدى النقاز، لاعب الزمالك القادم من النجم الساحلى، قائلا، “بكره الفلوس هتتحوله تانى وبشكره”.

وأضاف مرتضى منصور، فى المؤتمر الصحفى المقام حاليا فى القلعة البيضاء، ” الزمالك مش محتاج وعنده شرف وكرامة هو ده الزمالك.. صدرنا المشاكل للنادى الأهلى دون أن يدرى، خليناه يدفع 42 مليون جنيه فى صلاح محسن، وهو ما يسواش كده، واللاعب أخذ 15 مليونا”.

وتابع رئيس الزمالك، “صفقة عبد الله السعيد 20 مليونا من الـ ٤٠ اللى أخدهم كانت هتدفعهم شركة لدعم النادى هيقف علينا بـ 20 مليونا بس.. يا عبد الله المشكلة دلوقتى مش أنت اللى قدامنا بس مش هسيب حق الزمالك وناخد الـ 100 مليون دولار”.