مهاجماً دراويش مجلس الأهلي - الغندور : "خالفوا الشرع والقوانين .. ومفيش حاجة اسمها مبادئ"

شن خالد الغندور قائد نادي الزمالك الأسبق هجوماً على مجلس إدارة النادي الأهلي بعد تجديد التعاقد مع عبد الله السعيد صانع ألعاب الفريق وعرضه بعدها بساعات قليلة للبيع أو الإعارة.

وقال "الغندور" عبر برنامجه على شاشة "ال تي سي" : "دراويش مجلس الأهلي بعد القرار الذي صدر ببيع أو اعارة السعيد قعدوا يقولوا الله على المبادئ اللي رجعت ، مفيش حاجة اسمها مبادئ".

وواصل قائد الزمالك الأسبق حديثه : "الناس اللي بتتشدق بالمبادئ كانوا فين لما الأهلي جاب معتز اينو من الزمالك اللي مقدرش يدفع مليارات زي ما عملوا مع عبد الله السعيد".

وأضاف "الغندور" : "الأهلي في تعامله مع أزمة السعيد خالف الشرع والقوانين ، وبدل ما يقولوا للاعب امشي مع السلامة روح الزمالك الأهلي مبيقفش على لاعب راحوا مجددين معاه وهو مش عايز يكمل مع الأهلي".