برج الجوزاء حظك اليوم الأحد 11/3/2018 ..ف وش اي قلق شغل أغاني عدوية علاطول

تعرف على حظك اليوم ل برج الجوزاء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

( الكراش والإكس والبوي والجيرل فريند والجوز والزوجة والقرايب ):

ف حالة حدوث اي قلق نفسي النهاردة شغل اغاني عدوية فورا وبس

(الشغل والمذاكرة والتخطيط لبكرة ):

متركزش مع اللي مركز معاك ببساطة ووفر طاقتك لإنك تخلص الشغل اللي وراك وبس.. النهاردة انتا لازم تنجح وتبان وتروح حاسس انك برنس ف نفسك لحد ماتنام مبسوط بإذن الله

( نفسيا وجسمانيا وكل مايخص طاسة المزاج ):

صحيا النهاردة محتاجة شوية مساج او تدليك خصوصا لرقبتك ولودانك ولمناخيرك

غذائيا النهاردة تقدر تتجه للبيتزا بقلب جامد او للطبيخ.. الاتنين زي بعض وممكن تجمع مابين الاتنين وتعمل بيتزا طبيخ على فكرة سهلة جدا ومؤثرة جدا ف النفسية

دنيا كلها تمثيل وصعب تلاقى حد أصيل..

متوافق مع الابراج البرجماتية والحنكوشية والنباتية والسمكمكية والبرمائية والترابية والنارية والهوائية..

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..