بالصور.. تحذير «خطير جدًا» من التعامل على «OLX»

حذر أحد المواطنين يدعى، ماجد مِسلّم، من التعامل عن طريق موقع «OLX».

وقال في منشور له على إحدى مجموعات موقع التواصل الاجتماعي «فيسبوك»: «من أسابيع شاب أتقتل وهو رايح يبيع عربيته في التجمع عن طريق olx، وإمبارح شاب أتقتل وهو رايح يشتري لابتوب عن طريق olx بردو، لازم يبقا فيه وقفة!!».

وأضاف: «مش بقول نقفل الموقع عشان ناس كتير بتستفيد منه، بس لازم يبقا في حل سريع وعملي غير أن olx تنزل بيان تقول إحنا ملناش دعوة زي المرة اللي فاتت!!، لازم olx يغيروا من سياستهم بشكل مناسب يساعد على حماية عملائها».

وختم: «مبدأيا لازم المتعاملين مع olx يكونوا حذرين، يا ريت المقابلة تكون في مكان عام وكمان متكنش لوحدك».

وكان رواد مواقع التواصل الاجتماعي تداولوا خبر وفاة شاب يدعى محمد عبد العزيز، بعد أن تم استدراجه من قبل أحد الأشخاص على موقع OLX، واتفق مع على بيع جهاز لاب توب، وأثناء اللقاء وجد أكثر من شخص فى المكان وقاموا بطعنة حتى الوفاة وسرقوا مبلغ من كان بحوزته.

وروي أحد المقربين من الشاب، تفاصيل الواقعة، قائلًا: «محمد شاب زى الفل زميل ابنى فى تانية كلية هندسة وحيد أمه وأبوه أتقتل علشان كان رايح يشترى لاب توب من ناس عاملة إعلان على OLX، ولما وصل للمكان اللى هيتقبلوا فيه قتلوه واخدوا الفلوس وهربوا وحسبنا الله ونعم الوكيل ضيعوا شاب زى الورد علشان شوية فلوس».