تامر حسني: "صابر كمال هيكون له شأن كبير في عالم التأليف الغنائي"

أشاد الفنان تامر حسني، بموهبة الشاعر صابر كمال، مؤكدًا أنه سيكون له مستقبل باهر في عالم التأليف الغنائي.

وصرح حسني، بذلك عبر صفحته الرسمية بالفيسبوك، وكتب: "شايف ناس كتير بتسأل عن الألبوم إن شاء الله هينزل بين العيدين لو إن شاء الله محصلش أي تعطيل كل كام يوم كده هعرفكم شوية معلومات عنه.

وأضاف: "شغال دلوقتي في أغنيه مهمه جدًا اسمها (تمن اختيار) لشاعر بتشرف إني بقدمه لتاني مرة اسمه صابر كمال، افتكروا اسمه كويس بإذن الله هيكون ليه شأن كبير أوي أوي بشكل مختلف في عالم التأليف الغنائي".

وأشاد أيضا بموهبة الملحن شريف بدر، وقال، "والأغنية من ألحان العبقري شريف بدر، طبعًا شهادتي مجروحة فيه وتوزيع صديق عمري الفنان والموزع الراقي شريف مكاوي وعازف جيتار العازف الكبير شريف فهمي، فعلا أغنية مهمه جدًا وربنا يكرمنا جميعًا يارب".