الأخوان «رضوان»: «بدأنا نحس إننا مواطنين بجد»

فى الثامنة صباح كل يوم، ينزل عمرو رضوان، سائق «الكلارك»، من منزله، على «باب الكريم» بحثاً عن الرزق، وهو يمتلك «كلارك» بشراكة شقيقه الأصغر. يقول «عمرو» لـ«الوطن»: «كل يوم برزقه وربنا مش بينسى حد، بس فى بعض الأيام ممكن أقعد اليوم كله فى الشارع مفيش زبون يتصل بيّا، والكلارك مصاريفه غالية، والبيت عايز فلوس»، ويؤكد «عمرو»، الذى يعول طفلين أحدهما فى الصف الرابع الابتدائى والثانى فى الأول الابتدائى، ويحتاجان لـ500 جنيه لبند الدروس الخصوصية فقط شهرياً، سعادته عندما علم من خلال برامج «التوك شو» عن «وثيقة أمان المصريين» التى بدأ طرحها فى البنوك: «كل يوم كنت بفكر فى حاجة واحدة بس؛ لو حصلى حاجة عيالى هيكملوا تعليمهم إزاى»، ويضيف أنه سيشترى الوثيقة ليطمئن قلبه على أولاده حال حدث له مكروه: «هشتريها طبعاً، على الأقل هكون مطمن على عيالى من بعدى، واللى مفرحنى أكتر إن الدولة بدأت تدور على الناس الغلابة اللى معندهمش دخل ثابت ولا تأمين، دلوقتى بجد أنا حاسس إنى مواطن ومن ضمن اهتمامات الحكومة، الناس لما بيدبحها الإهمال يبقى مفيش مكان للوطنية وحب البلد».

«عمرو»: «كل يوم كنت بفكر فى حاجة واحدة بس لو حصل لى حاجة عيالى هيكملوا تعليمهم إزاى»