المحتوى الرئيسى

برج العقرب حظك اليوم الأربعاء 7/3/2018 ..بلاش عوم ف بحر الذكريات

03/07 07:36

تعرف على حظك اليوم لبرج العقرب مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

( الكراش والإكس والبوي والجيرل فريند والجوز والزوجة والقرايب ):

بلاش عوم ف بحر الذكريات النهاردة خصوصا وان الجو متقلب وممكن تاخد برد ف نفسيتك وانتا مش ناقص عيا اساسا.. خد بالك من مزاجك ومودك كويس الليلة

( الشغل والمذاكرة والتخطيط لبكرة ):

كل شيء ماشي حاله على الجبهة العملية بشكل كويس.. ركز بس حبة زيادة وإهتم

( نفسيا وجسمانيا وكل مايخص طاسة المزاج ):

صحتك النهاردة كويسة وماشي حالها وتقدر تركب عجل او تلعب مع حد لطيف طاولة او كوتشينة براحتك

غذائيا النهاردة يفضل الاتجاه للطبيخ بمختلف انواعه وللصواني اللي ريحتها والوانها جذابة

متعملش لحزنك مقام..كدة مش تمام..كدة مش تمام..

متوافق مع الابراج الحنكوشية والكهربائية والبرطمانية والكهرمانية والترابية والمائية والنارية..

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

أهم أخبار متابعات

Comments

عاجل