برج الأسد حظك اليوم الاثنين 5/3/2018 ..متصدمش حد برأيك فيه.. بلاش

تعرف على حظك اليوم ل برج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

( الكراش والإكس والبوي والجيرل فريند والجوز والزوجة والقرايب ):

النهاردة يا برج الأسد انتا تقريبا مش ف المود اوي بس قشطة.. على نص اليوم هتبتدي تفرفش وتنتعش وهيكون الصداع راح ودماغك رجعت للتراك الطبيعي بتاعها

( الشغل والمذاكرة والتخطيط لبكرة ):

واضح انك امبارح بالليل كنت خارب الدنيا غالبا.. ماعلينا.. من حقك تتدلع النهاردة ومتحسش بالذنب بسبب اي حاجة.. بلاش موجهات عدائية ملهاش لازمة مع اي حد مالوش لازمة وياريت برضة متصدمش حد برأيك فيه.. مش هتستفاد حاجة لو عملت كدة ولا هو برضة هيستفاد.. ف على ايه

( نفسيا وجسمانيا وكل مايخص طاسة المزاج ):

صحتك النهاردة محتاجة تمشية وخروج وفسح وشوبينج (بسيط) مش مكلف

غذائيا النهاردة تقدر تتجه للأكل اللي يعجبك وخصوصا لو كان حاجة بتظبط مزاجك وتعدله.. انا بقترح صينية فراخ مع بطاطس وفلفل وقوطة وكوسة وجزر وتوابل.. تسيبها تغلي على النار نصاية مع مية كتير ولما المية تبتدي تقل خالص حط جبنة رومي مبشورة او فلمنك على وش الصينية ف الفرن تاخد وش عشر دقايق وطلعها واستمتع يامعلم

مادامت انا موجود ستكون ثاني افضل الموجودين..

متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والنارية..

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..