السيسي: أنا أول واحد دخل الجيش في أسرتي (فيديو)

قال الرئيس عبدالفتاح السيسي، إنه كان دائم التفكير في الالتحاق بالكلية الحربية ومستقبلها.

وأضاف السيسي في كلمته لطلبة الكلية الحربية، أثناء زيارته لهم: «لما كنت طالب كنت بفكر فى كل إجراء بيتعمل وبقول الإجراء ده جيد ولا جيد جدًا ولا مش جيد، مفيش حاجة 100% أبدا، وديما إحنا كبشر بنسعى للكمال لكن عمرنا ما هنوصل للكمال».

وتابع السيسي: «بفكر إزاي أبقى متعلم كويس، وأنا طالب أساسي خدت بطولة الكلية، وده كان نتيجة التدريب المستمر، أنا حاطط قدام نفسي أهداف عايز أوصلها وأحقق بنفسي ده، قبل الامتحانات بأسبوعين و3 أسابيع مكنتش باخد أجازة، كنت واخد نوط الانضباط العسكري، ومكنش ليا حد في أسرتي في الجيش، أنا أول واحد دخلت الجيش في أسرتي».