متندمجش أوي !

متندمجش أوي مع أي حاجه في الدنيا ..

عدم اندماجك مش يتعارض مع إتقانك ولا أدائك ..ولا تركيزك ولا إهتمامك..إفصل بين كل ده والإندماج

عشان الإندماج بزيادة...بأيدك جدًا..يربطك جدًا..بيخليك منتظر جدًا..يعشمك جدًا..بيعلقك جدًا..بيخليك معتمد على آخر.. سواء شخص أو شئ أو حدث.. بيخنقك وبيخليك تخنق إللي حواليك

عارف ليه بيخليك تخنق اللي حواليك ؟

لأنك متخيل إن الكل شايف ومقدر اندماجك وده مش شرط طبعًا فتحبط ..ولا إراديًا تطالبهم يندمجوا زيك او يشوفوا بنظرتك

وده أكيد يخنق ..لأنه مقيد للحرية !

(الإندماج المبالغ فيه يتعارض مع فكرة الحرية)

وده أهم سر من أسرار السعادة فعلًا إنك تعيش حر ..مالك نفسك ..إنت الوحيد المتحكم في نفسك ..ولا ظرف ولا مخلوق ولا أي شئ ..

هتلاقي نفسك مكبر دماغك ..بتزعل بس الزعل بيعدي وبتفرح والفرحة بردوا بتعدي ..مش هتتصدم كتير ..وتتأقلم أسرع وترضى أوي..حتى لو بتروح شويه مع الأحداث والمستجدات...بس بترجع تاني على وضعك

أنت في حالة ثبات ..

خلي إندماجك يكون إندماج تحت مركزية الله

(لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ)

عايزه معاك ؟ولا عايزه ليك ؟!

مبترتحش في بيت إيجار ..عايزه تمليك !

مكتفيش أروح أصيف ..أشتري شاليه !

بتاعي ..حاجاتي أنا لوحدي ..

متتكلميش مع حد غيري ..ولا انت تبص على بني آدمه غيري !

شعور غريزي فطري من غيرُه صعب تدرك قيمة الأشياء ..ومن غيره تفقد لهفتك وشغفك للسعي ..

إرتباطه الوثيق بالشعور بالأمان ..بالضمان ..

طبعًا مرتبط بكل حاجه قيمه .. وجميله ..

شعورك بالله بغريزة التملك ..ده (ربي ) إلهي أنا ..بيقربك كتير ويخليك تستشعر قيمته وتشعر بالأمان ..من غير التملك صعب تستشعر الله وقربه على فكره ..

شعور التملك لله غير شعور التملك للأشياء غير شعور التملك للأشخاص !

لكل شعور منهم قانون مختلف..

#لله... تملًك براحتك ..التملُك هنا قرب وإندماج وحب وأمان .. مستحيل يمسه السيطرة أو الأنانية ..كل ما تشعر بالتملك لله فأنت في منزلة محبة وحال مع الله..

#للأشياء طبيعي كغريزة بشريه محتاج تمتلك بعض الأشياء (الأولية) فقط إللي تشعرك بالإستقرار والأمان بشكل مؤقت في الدنيا ...كل ما تسعى لإمتلاك مبالغ فيه فده عدم إدراك لفكرة الزوال ....عايز تضمن وتطمن وتحوش وتخزن ..وفجأه بعد شقى ..بتسيب كله وتموت !

لحد كده وحلو اوي ..

وهنا خلاصة المعنى والمعيار الفاصل بين التملك المحمود والتملك المذموم

#عايزه_معاك ..ده تملك منطقي ..وغريزي وبديهي وممتع وينتج عنه غٍيره مقبوله ومؤشر مهم للحب والثقة بالنفس.

#عايزه_ليك ..ده تملك السيطرة تملك الخوف تملك الإحتياج والتعلق وينتج عنه غٍيره مش منطقيه وظنون وشك ومش مصدره حب أبدًا على فكره ...ده تعلق مرضي بالشخص ..انبهار جايز ..أنانية وحب للذات أكتر بكتير من الطرف الآخر..

علشان تهون على نفسك وتتنقل من فكرة ليك أنت لوحدك معاك ..تعمل إيه ؟