برج الدلو حظك اليوم الاثنين 12/2/2018 ..مهم للكوكب وللحضارة الانسانية

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

( الكراش والإكس والبوي والجيرل فريند والجوز والزوجة والقرايب ):

هتحمي حد تعرفه وبتحترمه وتقدره من انه يآذي نفسه بمجرد انك تسمعه وتستوعبه وتفهم كل الكلام اللي محبوس جواه ف صدره ومش عارف يقوله.. مش بقولك انتا مهم للكوكب وللحضارة الانسانية بشكل عام.

( الشغل والمذاكرة والتخطيط لبكرة ):

اشتغل من نار وركز ومتقلقش ابدا.. انتا شاطر والشطارة تضمنلك تنجح طول مانتا مركز ومثابر ومستمر.. متشغلش بالك بأي نميمة خالص.. مالوش لازمة

( نفسيا وجسمانيا وكل مايخص طاسة المزاج ):

صحتك اليوم محتاجة منك تكتر حبة ف السوايل وعصير البقدونس على وجه الخصوص وبلاش اكل مسبك

غذائيا النهاردة تقدر تتجه للأكل الخفيف اللطيف المسالم صديق المعدة.. ومتنساش اللبن الرايب وعصير البقدونس والفاكهة.. النهاردة الحاجات دي اهم من الطبيخ بمراحل سواء لمعدتك او لقولونك او لأملاحك او حتى لنفسيتك..

ف أول الكلام وعشان كل حاجة تبقى تمام.. عبّر الناس الأول بسلام..

متوافق مع نفسك وبس زي إمبارح وان كان ممكن تتوافق بشكل ما غامض مع اي برج كتكوتي ف نفسه ولطيف ومش مزعج

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..