المحتوى الرئيسى

شاهد| سما لـ«الغيطي»: «أنت منافق والشعراوي أنضف من المذيعين الشمال»

02/08 19:33

علقت الاستعراضية سما المصري على ما قدمه الإعلامي محمد الغيطي بإحدى حلقات برنامجه «صح النوم» المذاع على فضائية «LTC»، مما اعتبرته هجوم على الشيخ محمد  متولي الشعراوي.

ونشرت سما صورة للغيطي على صفحتها الشخصية بموقع «انستجرام» وكتبت معلقة: «أنت كمان منافق و١٠٠ ألف وش، احترم نفسك عيب عليك.. الأستاذ الغيطي بيقول على الشيخ الشعراوي أنه منافق لأنه قال كلام كويس زمان على سيد قطب، طب ما أنت برضه يا أستاذ غيطي منافق وبـ١٠٠ وش، أنت نسيت مكالمتك لعصام العريان الموجودة لحد دلوقتي علي اليوتيوب وأنت بتنافق عصام العريان أيام حكم الأخوان وبتقوله أنت حبيبي يادكتور عصام وواحشني ونفسي أشوفك واتمني تيجي عرض مسرحيتي الجديدة ورد الجناين»، مش قلتله كده».

وأضافت: «بتقول إن الشعراوي بكلامه ده خان الوطن، وأنت لما بعت معد من عندك أيام حرق مقرات أمن الدولة عشان يجيبلك ورق من هناك تديه لعصام العريان وقلتله كده بنفسك ماكنتش بتخون الوطن؟ اسمحلي لو الشعراوي منافق وخاين للوطن فأنت زيه بالظبط على الأقل الشعراوي استفدنا من نصايحه الدينية وياما تاب علي أيده ناس، أنتوا بقى يا شوية إعلاميين منافقين وديتوا البلد في ٦٠ داهية بنفاقكم وتلونك في كل عصر، الشيخ الشعراوي أنضف من أشكال كتير في الإعلام شمال وعارفين نفسهم ».

أهم أخبار فن وثقافة

Comments

عاجل