هكذا بدت حياة نادين الراسي مأساوية في أحدث خواطرها...

وتابعت “الراسي” قائلة: “بعدا كمَّلت المشوار و كْتَمت بقلبي الأسرار ما سمحت لحالي تنهار و مشيت الدَّرب بحذَر.. ما سلِمْت من سكاكين كتار من غَدر و ظُلْم الْبَشَر و بحرقة حمِلت الأضرار عن اللي خاطري كَسَر.. همّي إحمي ولادي الصّغار من شرّ الدّنيي اللي انتشر وتغلغل بقلوب كتار عَمَصْلَحتهم و أنانيِّتهم فقَدو البصر”، مضيفة: “وَحدي و لَحالي تحَمّلت و من التّجارب تعلَّمت بِعَزم و صدق كمّلت لا إنكسرت و لا استسلمت”.

واستكملت: ” قْسيتْ و قَسِّتني الدّني بطَّلت إسأل شو بِني حالي متل حال كتار انوجَدوا بمسرح هالدّني.. قَدَرُن يأدّوا أدوار و لمّا السّتارة تنحني سنينُن رح تنحفِر عحجار أن كان فقير أو غَني.. عقَبرُن رح يِبكوا كتار يِتِّهموا الموت الغدَار و من بعدا بِكم نهار بيحتفلوا برقص و أشعار “.. بيتناسوا إنُّن بشر بيخافوا عتم القبر بيتباهوا مين الجبّار و ظُلمُن عنوانوا النّصر.. و لو كان عحساب كتار آخر همُّن شو انكَسَر .. و كِلّ ما بتشرق شمس نهار بتخصُم يوم من السِّنة و بلحظة قضاء و قدر بتدقّ ساعة الصّفر”.

واختتمت: “ما بعمري الوقت تناسَيت حتّى الأنا الفيِّي تحدّيت و لغيت كلمة يا ريت و واجهت الظلم بصبِر.. ما بِنكُر مرّات اهتزَيت و ياما ركعت و صَلَّيْت و بأقسى المواقف انحطّيت و منّا أخَدت العِبَر.. عن كِلّ الألم تعلّيت قَلبي يِحقُد ما خلّيْت بالكِتُب السّماويّة إحتميت تالحُب بقلبي انتصر بضلوعي إحمي حجار البيت أطلُب من ربّي العُمر تكَبِّر الكِرمالُن ضحّيت و من بعدي يكَمّلوا بفخِر إنِّي الإم الما انزلّيت و واجهت بإيمان و صبر . يتبع #خواطر_نادين_الراسي . . #خواطر_عن _بعض _المخاطر !”.

يذكر أن الفنانة نادين الراسي كانت قد خاضت السباق الرمضاني لعام 2017 بمسلسل «ورد جوري»، وشارك في بطولته رولا حمادة، وإدوارد الهاشم، ونجلاء الهاشم، وكارلا بطرس، وجابرييل يمين، وهو من تأليف كلوديا مرشليان، وإخراج سمير حبشي.