برلماني في مشادة مع وزير الطيران: "أنا جاي متأخر عيد كلامك"

وقعت مشادة كلامية خلال اجتماع لجنة السياحة والطيران المدني بمجلس النواب، مساء اليوم، برئاسة النائبة سحر طلعت مصطفي، بين وزير الطيران المدني شريف فتحي، والنائب رياض عبد الستار.

بدأت الأزمة، فور دخول النائب قاعة الاجتماع قبل انتهائه بدقائق قليلة، موجها حديثه للوزير بعصبية: "عايزين نعرف إيه اللي هيحصل للسياحة الروسية، إحنا مش مغيبين، ورد الوزير، قائلا: أنا قولت الكلام ده من بدري.

وانفعل النائب، قائلا: ماتقوله تاني، مينفعش تكرره، أنا عضو لجنة السياحة، عايز أعرف.

وانفعل الوزير، في وجه النائب، قائلا له: كنت جيت بدري، مش كل نائب ييجي متأخر، أعيد له الكلام.

وقال النائب، للوزير: يعني إنت مينفعش تعيد الكلام، ورد الوزير غاضبا: آه ماينفعش، ماتجيش بعد الموضوع مايخلص وتقولي عيد كلامك.

وعقب النائب، ساخرا: ليه هو الموضوع متعب، ورد الوزير، متهكما: آه متعب.