نقادة يا طيبة.. شعر بالعامية لأشرف جابر | قوص النهاردة

الرئيسيه » صفحتك » شعر » نقادة يا طيبة.. شعر بالعامية لأشرف جابر

يانقاده يا طيبة ابنك رماكي ليه؟

هجر ترابك وطار على الغريب  يراضيه

زهجان وراح للأمل ماشي على رجليه

نفسه فلقمه تسد جوعه وكام جنيه فى ادينه

أخوه ضناه التعب شاف العذاب حوليه

دي العيشه صعبه واغلا من الكرامة أيه؟

بيخاف يمشي في شوارعك.. التراب يملا عنيه

لافي رئيس مجلس مدينتة سائل

وشيفين الظلم بعنينا وساكتين ليه؟

يا ما كان ترابك يا نقادة دهب

وأصبح ترابك حجر والخضرة ماتت فيه

غيرنا كان محتاج مدينا أدينا ليه

قولتيها يا نقادة ابنك فيوم تلاقيه

مسيره يرجع لحضنك والماضي انسيه

بكره يرجع ويزرع ويقلع والرزق مستنيه

ابنك يا نقادة شهم وأصيل

بس الظلم رابط لسانه ومكتف إديه