برج الدلو حظك اليوم السبت 9/12/2017 ..بارتي بارتي

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

( الكراش والإكس والبوي والجيرل فريند والجوز والزوجة والقرايب ):

فكك من الدراما والتفكير الكتير وفكر ازاي تنبسط وبس..كفاية النكد اللي بيطلعلك من كل حتة بدون اسباب واضحة..كفاية جدا..

( الشغل والمذاكرة والتخطيط لبكرة ):

بارتي ف الطريق إليك..يابختك..دلع نفسك انتا وملكش دعوة بحد وركز ازاي هتنفخ بلالين السعادة وتعلق زينة الامل ف حياتك النهاردة..

( نفسيا وجسمانيا وكل مايخص طاسة المزاج ):

معلش..هنعمل ايه..واضح ان الميكروبات بتحبك ومش عاوزة تسيبك عشان انتا الشخص الوحيد اللي هي قابلته وفهمها وفهمته..

قلقاس وبانيه وفلمنك ونستو وعيش ابيض وزتون اخضر شرايح..

ف أول الكلام وعشان كل حاجة تبقى تمام.. عبّر الناس الأول بسلام..

متوافق مع الابراج الدخانية واللاسلكية والكتكوتية زي إمبارح بالظبط..

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..