المحتوى الرئيسى

أمين ينتقد "متحدث المترو" ويطالبه بالاعتذار للمواطنين - E3lam.Org

12/06 00:01

علَّق الإعلامي تامر أمين على أزمة توقف مترو الأنفاق اليوم الثلاثاء، لمدة 40 دقيقة متواصلة في المحطات الواقعة بين محطة أنور السادات حتى محطة البحوث في اتجاهي الجيزة وشبرا “الخط الثاني”، حيث أبدى غضبه الشديد لتكدس الحالة المرورية في وسائل النقل العام وتأثيره على تيسير مصالح الشعب.

من جانبه، قال أحمد عبد الهادي المتحدث باسم الشركة المصرية لمترو الأنفاق، أثناء مُداخلة هاتفية في حلقة اليوم الثلاثاء، من برنامج “الحياة اليوم”، المُذاع عبر شاشة “الحياة”، إنه سبب الأزمة هو حدوث اضطراب مفاجئ لـ”فرامل” القطار، وفي حالة حدوث عطل كل 4 أيام يكون العطل لا يذكر ويُقدر بنسبة 1 %، موضحًا أن بعدها تم إخلاء القطار من الركاب حفاظًا على سلامتهم.

نرشح لك: البنك الدولي يوافق على قرض بـ 1.15 مليار دولار لمصر

أضاف أن فحص العطل بالمترو استغرق حوالي 40 دقيقة، وأوضح أن المترو كان يعمل بشكل طبيعي من محطة شبرا الخيمة حتى محطة أنور السادات، في الاتجاهيين كالمعتاد، ومن محطة المنيب حتى جامعة القاهرة في الاتجاهين.

وعلق “أمين” على حديثة قائلًا: “فكرة لا تُذكر! أتمنى حضراتكم ماتستخدموش تاني المصطلح لأنه مفيش حاجة اسمها لا تذكر، لأنه مش من الطبيعي إن كل محطات المترو تتعطل وإلا ميبقاش عندنا مترو؛ فكون إن يحصل مشكلة لازم نقول إن دي مشكلة وإننا بنعتذر للسادة مستخدمي المترو عن المشكلة اللي حصلت وبنعتذر للسادة اللي حصلها تكدسات أثرها لسة لدلوقتي في الشوارع، مافيش مشكلة كل حاجة بيحصل فيها أعطال، ماينفعش نهوّن الموضوع ونقول إنها نسبة 1% لا تذكر لأنه بشّع حياة الناس النهاردة خلاها مش طايقة نفسها فى الشوارع مع أعمال الرصف فى الشوارع خلاهم يتخنقوا.. فالمفروض أطلع وأقولهم حقكم علينا دة خطأ غير مقصود أنا عارف انكم عانيتم النهاردة”.

من جانبه، أوضح “عبدالهادي” إن العطل وارد، وأكد أنه لا يُذكر، وأن مترو الأنفاق هو أهم وسيلة انتقال داخل القاهرة، مما أثار دفع “أمين للغضب قائلًا: “كيف لا يذكر والناس اتخنقت في الشوارع أومال لو كان يذكر كان حصل إيه؟، يبقى لما يحصل عطل داخل أهم وسيلة انتقال تبقى حاجة تذكر وفيه مشكلة”.

وطالب “أمين” المتحدث باسم الشركة المصرية لمترو الأنفاق، بتقديم اعتذار للمواطنين من خلال الإعلام، مما أدي لاستجابة “عبد الهادي”، وتقديم اعتذاره قائلًا: “من خلال برنامج سيادتك بنعتذر لكل الناس اللي كانوا موجودين في القطار وقت العطل وإن شاء الله بنحاول العطل ما يتكررش تاني ونحسن الخدمة وتحت أمر ركاب كل مترو الأنفاق”.

أهم أخبار مصر

Comments

عاجل