Top 10 أحسن مسلسلات أجنبي تشوفها في 2017 و 2018 - سوبر راجل

Nermein Qenawy ‏1 ساعة مضت BuzzRamet اضف تعليق 13 زيارة

شوف أحسن مسلسلات أجنبي في 2017 و 2018:

لو ليك في الغموض والإثارة والتشويق يبقى لازم تشوف المسلسل ده، من أول حلقة هيشدك بالغموض اللي فيه وهيخليك تشغل دماغك غصب عنك عشان تحل الألغاز اللي بتطلع فجأة في كل حلقة.

المسلسل أحداثه بتدور حوالين الريف في ولاية إنديانا في أمريكا اللي بيتحول من الهدوء التقليدي لحالة من الخوف بعد حالات الاختفاء والموت في حالات غامضة لأكتر من شخص. المسلسل ليه جزئين و الجزء التالت في مرحلة التصوير حاليا.

المسلسل من نوع المسلسلات الخيالية المليانة غموض وأكشن، القصة بتدور حول شخص ليه أعداء قرر إنه يرمي تاريخه السيئ و يعيش بهدوء فيتفاجيء بعد موت مراته إن في أشخاص مراقبينه ومش هيسيبوه في حاله. الماضي السيء مش بيسيب حد في حاله!

مسلسل من الآخر فيه مشاعر متضاربة وهيخليك تتعاطف مع المجرمين وتكرههم في نفس الوقت، مسلسل إثارة وأكشن وبيدور حوالين تجارة المخدرات وانتشارها في العالم وبيركز على الديلر الأساسي للكوكايين في كولومبيا اللي بيطارده عميل من المخابرات الأمريكية عشان يتخلص منه ويقتله. المسلسل ليه 3 أجزاء الجزء التالت نزل ٢٠١٧.

مسلسل خيالي درامي ومليان مغامرات، من أكتر المسلسلات اللي انتشرت بسرعة بين الشباب خصوصا لإنه غير قصته الحلوة والإخراج العبقري بيشدك لباقي الأحداث وبيخليك تستنى الحلقة اللي بعدها بفارغ الصبر. أحداثه بتدور حوالين ممالك ومنافسة حوالين عروش الحكم بس لو هتتفرج عليه يكون أحسن لو اتفرجت عليه لوحدك عشان فيه مشاهد غير أخلاقية مبالغ فيها شويتين. الموسم السابع هو اللي نزل 2017 لكن عشان تفهمه لازم تشوف الأجزاء الأولى ليه.

قصة محامي اتحول من شخص طيب أخلاقيا لنسخة أسوأ في كل حاجة، المسلسل من نوع الدراما والأكشن.

مليان بالجرائم وهيخليك تعيش في جو من الصراعات والتعاطف مع البطل في نفس الوقت.

المسلسل ليه 3 أجزاء آخر جزء فيهم نزل 2017.

القصة من نوع الخيال والأكشن، بتدور حول نائب شريف بيصاب و يدخل غيبوبة أثناء قضاء عمله ولما يفوق بيكتشف إن العالم انهار بعد ما الزومبيز قضوا عليه وبيبدأ يدور على مراته وابنه في انتاركتيكا بعد مايلاقي شخص تاني ناجي هو وابنه. الأحداث بتتطور وسط هروبه من الزومبيز وإنه يلاقي مراته وابنه ومعاهم مجموعة تانية من الناجيين وبتبدأ رحلة جديدة مليانة أكشن.

بتبدأ القصة لما العالم كله بيختفي وينهار إلا ٢٪ من الناس هما اللي هيكونوا عايشين، وبيجي الدور على ظابط الشرطة في نيويورك إنه يواجه مشاكل أكبر لما بنته تختفي هي وصاحبتها، ولما ابنه يتورط في مشاكل تانية ده غير مجموعة من المجرمين  The Guilty Remnant اللي في طريقهم للاستيلاء على المدينة. الجزء التالت من المسلسل من نوع الدراما والأكشن والخيال و نزل ٢٠١٧.

جيمس ديلاني اللي الناس معتبرة إنه مات في البحر فجأة بيرجع لندن عايش عشان يحضر جنازة والده في الوقت اللي هيعرف فيه إنه الوريث الوحيد للتركة اللي هي كازينو وبيت دعارة، القصة مش هتقف عند كدة كمان هيظهر واحد من ألد أعداء والده عايز يشتري الكازينو وجيمس هيرفض إنه يبيع ومن هنا هتبدأ الأحداث في التطور بين الدراما والتشويق.

تخيل إنك تكون مريض و اللي يعالجك دكتور عنده توحد!

المسلسل من نوع الدراما وبيدور حول الدكتور اللي بيبهر الناس بقدرته على معالجة الأمراض وإجراء عمليات جراحية بالرغم من التوحد اللي بيعاني منه. لو كنت من متابعين “Grey’s Anatomy” يبقى لازم تتابع المسلسل ده.

من نوع الخيال العلمي والدراما و بيدور حول معمل فيه تجارب بشرية بتتعمل /زشخاص نصف بشريين ونصف آليين.

بتبدأ القصة أما المبرمج يحذر رئيس المعمل من السلوك المتغير بتاع الآليين و الحوادث هتتوالى لما بعض الآليين يتهجموا على المواطنين في الشارع. لو ليك في الإثارة ماتفوتش الفرصة واتفرج عليه دلوقتي.

أكلات سريعة تدفيك في الشتا في ١٥ دقيقة بس!