الشخص "العصفورة" في الشغل.. ليه موجود وإزاي "تطيّره"؟

غالبا ما يكون في كل عمل موظف يطلق عليه اسم "العصفورة"، أي الشخص الذي ينقل جميع أخبار الزملاء، وكل ما يحدث في إطار العمل إلى المدير ولا يقتصر الأمر على العمل بل أيضا في المنزل ما بين الأشقاء، هناك دائما أخ وغالبا صغير، ينقل الكلام للأب أو الأم.

ويقدم مصطفى خليفة، استشاري تطوير الأعمال، سبب الاحتياج للشخص "العصفورة" ولماذا يفعل ذلك، وكيفية معرفته والتعامل معه، فيما يلي:

- لماذا يوجد احتياج للعصفورة؟

في احتياج للدور ده لأن مفيش شفافية، وبالتالي فيه حاجات بتحصل مش كل الناس عارفاها، فإما المدير بيطلب من حد يكون "عصفورة"، أو حد متطوع بيقوم بدور نقل الأخبار واللي بيحصل للمدير.

أكيد هو شايف أنه هيبقى مقرب من المدير وأنه بكده هيبقى مميز عنده وله مكانة خاصة، صحيح ممكن يخسر زملاءه بس احتمال محدش يكتشفه فيبقى مع الجانبين كسبان.

- كيفية معرفة أو اكتشاف الشخص العصفورة

دايما الشخصية دي بتحاول تتواجد بالقرب من كل الأحداث ويوصل لكل المعلومات، وده لأنه عايز ينقل أكبر قدر من الأخبار عشان كده اللي بيسأل عن كل حاجة، وإيه اللي حصل ومين عمل إيه احترس منه، يا إما شخص فضولي وخلاص يا إما عصفورة.

وهتلاحظ أنه دايما بيحاول يبين أنه ملوش علاقة بالمدير، ويقول "أنا شايف إنه غلطان وأنه مش كويس"، إحساس إنه عايز يشيل التهمة من عليه فبيبقى زي "اللي على راسه بطحة".

هناك طريقتين للتعامل معه، الأولى "المواجهة"، بإننا نقوله أنت بتنقل الكلام وأننا مش حابينك وسطنا وتتجنب الحديث عن أي حاجة خاصة قدامه.