المحتوى الرئيسى

برج الدلو حظك اليوم الجمعة 1/12/2017 ..محدش له عندك حاجة

12/01 06:02

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

( الكراش والإكس والبوي والجيرل فريند والجوز والزوجة والقرايب ):

حماسة وطاقة جبارة النهاردة مش هتعمل بيها اي حاجة وهتركنها على جنب وتكسل وتقضي اليوم بتتأمل وبتنام وتاكل وبس.. براحتك..إستمتع..محدش له عندك حاجة اصلا.

( الشغل والمذاكرة والتخطيط لبكرة ):

اليوم جميل ومنعش ومناسب جدا للطبيخ وللوقفة ف المطبخ والاستمتاع بتفاصيل كتير..حاول تكبر دماغك من اي محاولات خارجية بتتعمد تفسد عليك حالة الروقان دي بأي شكل من الأشكال..

( نفسيا وجسمانيا وكل مايخص طاسة المزاج ):

صحتك كويسة وماشي حالها بس حاول تهتم برجليك حبة وخصوصا الكعب والصوابع..سقيهم ف مية سخنة واعملهم مساج..هيفرق ف نفسيتك الموضوع دة مش ف وجع رجلك وبس..

من حقك تعك ف الاكل النهاردة بس ياريت متعكش أوي..

ف أول الكلام وعشان كل حاجة تبقى تمام..عبّر الناس الأول بسلام..

متوافق مع الابراج المعدنية والكتكوتية والدخانية..

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

أهم أخبار متابعات

Comments

عاجل