رسالة مؤثرة للغاية من زوجة سعيد طرابيك في الذكرى الثانية لرحيله

11/15 17:48

أحيت الفنانة سارة طرابيك ذكرى رحيل زوجها الفنان سعيد طرابيك حيث كتبت رسالة إلى زوجها من خلال صفحتها على الفيس بوك قالت فيها "اليوم 15 /11 الموافق الذكري الثانية لوفاة زوجي المغفور له الحاج سعيد طرابيك أدخله الله فسيح جناته وجعل قبره روضه من رياض الجنة وأقول له: لقد رحلت عنا جسدًا ولكن روحك تسكن في قلوبنا وقلوب محبيك.. عمري ما نسيتك ثانية ربنا يعلم بيا من يوم ما بعدت عني وأنا في عذاب لكن روحي وقلبي معاك وكل ما أكون مضايقة أقعد أبص لصورتك وأكلمها وأتمني إنك تكون موجود لكن انت مكانك في الجنة مش في الحياة".

وتابعت: "عامين ولحد دلوقتي مش قادرة أستوعب إنك مش في الدنيا الحاجة الوحيدةه اللي انا علي يقين وثقة بالله كبيرة ربنا بيحبك وراضي عنك وأكيد انت في الجنة وحاسس بيا ادعيلي ياسعيد بالصبر زي ماكنت بتدعيلي علي طول مفتقداك قوي".

وأضافت: أي مكان يذكر فيه اسمك إلا وكل الأبواب تتفتح إكرامًا ليك.. أنا رافعة رأسي في الدنيا لأنك زوجي أنا عمري ماهبطل اتكلم معاك وأحكيلك يارب راضية واغفرله وسامحني ياالله إذا كنت بكيت علي قضائك رغم أني مؤمنه بالقدر والنصيب ..