نص أقوال «حداد المرج» في قضية مقتل «القس سمعان»

أدلى أحد شهود الإثبات في القضية رقم 30080 جنايات المرج لسنة 2017 المتهم فيها «أحمد سعيد إبراهيم السنباطي» بقتل القس شحاتة سمعان بالمرج، بتفاصيل شهادته حول ما أبصره أثناء ارتكاب الواقعة، وإليكم نص التحقيق معه

أسمي عاطف كمال فؤاد بطرس، 48 سنة، وأعمل حداد بورشة حدادة بكفر أبو صير، ومقيم 1 شارع محمد رزق من شارع

الشونة – بيجام – القليوبية

س/ ما صلتك بالواقعة محل التحقيق ؟

ج- أنا شوفت اللي حصل ومعرفش لا اللي ضرب ولا اللي أتضرب

س/ هل شاهدت واقعة التعدي على المجني عليه وإحداث إصابته التي أودت بحياته ؟

س/ وما هي معلوماتك بشأن الواقعة محل التحقيق ؟

ج- اللي حصل أني كنت نازل على السلم اللي عند نفق أبو صير اللي حصلت عنده الواقعة عند الدائري، وأنا نازل سمعت صوت ست واقفة فوق على الدائري وبتصرخ وتقول ألحقوه ألحقوه هيقتله هيقتله وبتشاور ناحية قسيس ماشي تحت في الشارع تحت الدائري، قدام معرض بتاع لودر، فبصيت لقيت واحد كاهن لابس لبس الكاهنوت الأسود وفي وشه واحد تاني لابس جلابية فسدقي أو رمادي وماسك في أيده سكينة كبيرة وبيضرب بيها الكاهن في بطنه، ولقيت الكاهن زقه وجري ناحية مخزن السلام بتاع الحديد والراجل التاني بيجري وراه وشوفته بيضربه ضربه تانية في ضهره على باب المخزن وبعد كدا دخلوهم الاتنين جوا المخزن، وبعد كدا بأقل من دقيقة لقيت الراجل اللي كان بيضرب الكاهن خارج من المخزن ودخل شمال في اتجاه مؤسسة الزكاة وماسك في ايده السكينة وبيجري وناس طلعت بتجري وراه ودا كل اللي انا شوفته

س/ ومتى وأين حدث ذلك ؟

ج- الكلام دا حصل أمبارح الخميس 12 / 10 / 2017 حوالي الساعة 10 الصبح في شارع السلمانية الموازي للطريق الدائري في أبو صير المرج

س/ ما سبب ومناسبة تواجدك بالزمان والمكان سالف الذكر ؟

ج- أنا كنت راكب عرابية ميكروباص ونزلت على الدائري فوق نفق أبو صير، وكنت نازل على السلم من الدائري متجه لعملي في المنطقة دي

س/ من كان برفقتك آنذاك ؟

س/ ما هي الفترة الزمنية التي استغرقها تواجد المتهم بداخل المخزن محل الواقعة عقب دلوفة إليه ؟

ج- هو قعد أقل من دقيقة

س/ وما التصرف الذي بدر منك آنذاك؟

ج- أنا جريت دخلت المخزن عشان أشوف الكاهن ايه اللي حصله

س/ وما هي الحالة التي شاهدت المجني عليه آنذاك ؟

ج- أنا لقيته مرمي جواه المخزن على الارض على ضهره ووشه غرقان دم ومتعور في قورته وبطنه، وكانت مصارينه خارجه من بطنه

س/ وهل كان المجني عليه على قيد الحياة آنذاك ؟

ج- هو أنا لما دخلت عليه عينيه كانت بترعش بسيط ومكملش تلات دقايق ومات

س/ وهل دار أي حوار فيما بينك وبين المجني عليه أو بين أي شخص وبين المجني عليه آنذاك ؟

ج- لا هو كان ساعتها بيطلع في الروح ومتكلمش أي كلمه

س/ وهل تناهى إلى سمعك ترديد مرتكب الواقعة لأية عبارات ؟

ج- لا أنا مسمعتوش بيقول حاجة

س/ وما هو قصد المتهم من التعدي على المجني عليه وإحداث إصابته التي أودت بحياته؟