عمرو أديب: "ولا شيرين ولا 100 واحد زيها هيأثروا في مصر"

علق الإعلامي عمرو أديب، على أزمة تطاول المطربة شيرين عبد الوهاب على النيل في إحدى الحفلات الغنائية بالشارقة، قائلًا: "اللي مضايقني من شيرين إنها بتسخر من مرض مؤلم مات بيه عبد الحليم حافظ".

وأشار عمرو أديب، ببرنامج "كل يوم" المذاع عبر فضائية ON E، إلى أن شيرين عليها أن تتعلم قبل أن تتكلم حتى لا تسقط مرة أخرى بسبب تفوهها ببعض الكلمات، وتابع موجهًا حديثه لشيرين "مش عيب يا شيرين يا حبيبتي تجيبي حد يعلمك إزاي تتكلمي لأن محدش بيفهم في كل حاجة، هاتي حد يقولك تقولي إيه ومتقوليش إيه.. ومشكلة شيرين بتقول كلام سخيف جدًا في أحيان كثيرة وهي لا قاصدة ولا فاهمة ولا أي حاجة".

وتابع أديب، في حديثه لشيرين: "قربي من الناس اللي تعلمك.. اتعلمي يا بنتي"، مضيفًا في السياق ذاته، أن شيرين لم تقصد الإهانة للنيل ولكنها أخطأت بالفعل وأطلقت تعبيرًا لا يصح التفوه به، لكن "المذبحة كتير قوي".

واستكمل عمرو أديب: "لو مليون واحد شتموا مصر كلها.. مصر أكبر من أي حد.. ما مصر بتتشتم كل يوم من شيرين وغير شيرين.. مصر كيان.. مش طوبة ولا لوح زجاج يتكسر.. ومتخافوش ولا شيرين ولا 100 واحد زي شيرين هيأثروا فيها.. إحنا كل يوم بنتشتم من طوب الأرض بس مصر تفضل موجودة.. مينفعش تصغروا مصر بالشكل ده ومصر مش كيان سهل ومش حاجة بسيطة علشان واحد يشتمها هتقع".

من آه ياليل للسكرانة وبلهارسيا.. ألقاب حصدتها شيرين عبد الوهاب بسقطاتها